រឿង៣ ដែលធ្វើឲ្យអ្នកស្រី ពាន់ ភួងបុប្ផា ចងចាំមិនភ្លេច

2017-10-19 10:37:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកស្រី ពាន់ ភួងបុប្ផា ដែលជាផលិតករភាពយន្តដ៏ល្បី១រូប បាននិយាយថា ក្នុងជីវិតប្រឡូកក្នុងវិស័យសិល្បៈអ្នកស្រីជួបរឿងដែលស្មានមិនដល់ និងជាឧបសគ្គជាច្រើន តែរឿងដែលធ្វើឱ្យអ្នកស្រីចាំមិនភ្លេចនោះ មាន៣ មានទាំងរឿងដែលអាចដោះស្រាយបាន និងរឿងដែលធ្វើឱ្យអ្នកស្រីពិបាកចិត្តស្ទើរតែទ្រាំមិនបាន។

បញ្ហាទាំង៣រឿងធំៗក្នុងជីវិតជាផលិតករ ដែលធ្វើឱ្យអ្នកស្រី ពាន់ ភួងបុប្ផា ចាំមិនភ្លេច មាន៖

បញ្ហាទី១ កើតឡើងក្នុងរឿង "កម្លាំងនិងវាស្នា" (ប៉ះពាល់ខាងមូស្លីម) ធ្វើឱ្យរឿងមួយនេះត្រូវបិទមិនអាចបញ្ចាំងបាន។

បញ្ហាទី២ កើតឡើងក្នុងរឿង "គូព្រេងចម្លែក” (មានការដេញថ្លៃស្រីគ្រប់លក្ខណ៍ត្រូវបានរដ្ឋាភិបាលផ្អាករឿងនេះ តែក្រោយមកឱ្យបញ្ចាំងឡើងវិញ)។

បញ្ហាទី៣ កើតឡើងក្នុងរឿង "រៃមាស” (ក្នុងពេលកំពុងថតរឿងនេះមានរន្ទះបាញ់ក្រុមការងារម្នាក់ស្លាប់)។

ផលិតកររឿង "កុមារី២៥ឆ្នាំ" រូបនេះបញ្ជាក់ថា បញ្ហាទាំង៣នេះ រឿងដែលធ្វើឱ្យអ្នកស្រីពិបាកចិត្តខ្លាំងបំផុត គឺរឿងរន្ទះបាញ់ ព្រោះរឿងនេះមិនមែនជាការធ្វេសប្រហែសនោះឡើយ គឺជារឿងបាតុភូតធម្មជាតិ តែមានការដាក់កំហុសទាំងស្រុងមកលើលោកស្រី។

“និយាយពីផ្លូវចិត្តពិបាកហើយ តស៊ូស្ទើរទ្រាំមិនបាន គឺពេលធ្វើរឿង"រៃមាស” ហ្នឹងហើយ ជួបសម្ពាធផ្លូវចិត្តធ្ងន់ធ្ងរ នៅពេលដែលរន្ទះបាញ់ក្រុមការងារហ្នឹង គេដាក់កំហុសទាំងស្រុងមកលើយើង ហើយនេះជាលើកទី១ក្នុងជីវិតរបស់ខ្ញុំ ដែលជួបរឿងបែបនេះ ដែលយើងអាយុចាស់ប៉ុណ្ណេះហើយ។ ខ្ញុំមិនបានខឹងខ្លួនឯង ឬខឹងធម្មជាតិទេ ព្រោះយើងអត់បានដឹងមុនទេ បើយើងដឹងមុនយើងក៏មិនបន្តថតដែរ ហើយពេលនោះអត់មានភ្លៀងទេ”។

ក្រោយពីជួបហេតុការជាច្រើនក្នុងអាជីពជាអ្នកនិពន្ធ និងដឹកនាំរឿង អ្នកស្រី ពាន់ ភួងបុប្ផា បានបញ្ជាក់ប្រាប់ Sabay ថា អ្នកស្រីមិនបានបាក់ទឹកចិត្ត និងចុះចាញ់ឡើយ តែផ្ទុយទៅវិញអ្នកស្រីរឹតតែខំប្រឹងប្រែងសម្រិតសម្រាំងរឿងរបស់ខ្លួនឱ្យកាន់តែមានគុណភាព និងព្យាយាមធ្វើការឱ្យល្អបំផុត៕

ប្រភព៖ Sabay News អត្ថបទ៖ ប៉ូ សាគុន