EDC នឹងផ្តាច់ភ្លើងនៅតាមតំបន់ជាច្រើនចាប់ពីថ្ងៃនេះ

2017-10-20 01:10:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគ្គិសនីកម្ពុជា នឹងផ្អាកការផ្គត់ផ្គង់ភ្លើងនៅតាមតំបន់ជាច្រើន ចាប់ពីថ្ងៃទី២០ ដល់ ២២តុលា ឆ្នាំ២០១៧ ដើម្បីជួសជុល ផ្លាស់ប្តូរ ដំឡើងបរិក្ខារ និងរុះរើគន្លងខ្សែបណ្តាញបង្កលក្ខណៈដល់ការដ្ឋានពង្រីកផ្លូវ។

តំបន់ និងពេលវេលា ដែលត្រូវផ្តាច់ភ្លើងរួមមាន៖

១. ថ្ងៃសុក្រ ទី២០ ខែតុលា៖ សង្កាត់ ចតុមុខ កំពង់សំណាញ់ គោករកា ភ្នំពេញថ្មី ទឹកថ្លា និងស្រះចក ចាប់ពីម៉ោង ៩ព្រឹកដល់ម៉ោង ៥ល្ងាច។

២. ថ្ងៃសៅរ៍ ទី២១ ខែតុលា៖ សង្កាត់ជ័យជំនះ កាកាបទី២ ចោមចៅទី៣ ដើមមៀន ព្រែកឬស្សី តាខ្មៅ តាក្តុល ព្រែកហូរ និងព្រែកថ្មី ចាប់ពីម៉ោង ៩ព្រឹកដល់ម៉ោង ៥ល្ងាច។

៣. ថ្ងៃអាទិត្យ ទី២២ ខែតុលា៖ សង្កាត់ផ្សារកណ្តាលទី២ ទួលសង្កែទី១ ដង្កោ ព្រៃស តាខ្មៅ និងតំបន់ភ្លើងមួយចំនួនដែលស្ថិតនៅតាមបណ្តោយផ្លូវជាតិលេខ១ ចាប់ពីសង្កាត់វាលស្បូវ ខណ្ឌច្បារអំពៅ ដល់ស្រុកពាមរក៏ ខេត្តព្រៃវែង ចាប់ពីម៉ោង ៩ព្រឹកដល់ម៉ោង ៥ល្ងាច៕