រ៉ូលីន ប្រាប់ពីវិធីសាស្រ្តប្តូរសំឡេង ៤ចំណុច

2017-10-20 09:46:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាសម្តែង និងជាតារាកំប្លែង រ៉ូលីន បានបង្ហាញពីវិធីសាស្រ្ត៤ចំណុច ក្នុងការហ្វឹកហាត់ប្តូរសំឡេងពីប្រុសទៅស្រី ពីស្រីទៅប្រុស ខាងក្រោមនេះ៖

ត្រូវប្រមូលអារម្មណ៍ឱ្យមូល
វិញ្ញាណ និងអារម្មណ៍ត្រូវផ្ដោតទាំងស្រុងទៅលើសំឡេងដែលចង់បាន
ចាប់ផ្ដើមហ្វឹកហាត់និយាយ ដោយព្យាយាមពត់សំឡេងឱ្យទៅរកសំឡេងដែលចង់បាន
ហ្វឹកហាត់រាល់ថ្ងៃ។

ដោយមានឪពុកជាអ្នកច្រៀងចម្រៀងកូរ៉ាល់ស្រាប់ រូលីន ត្រូវបានឪពុកបង្ហាត់ពត់សំឡេងតាំងពីក្មេង ហើយដោយក្ដីព្យាយាម និងមានជំនឿលើខ្លួនឯងថា ខ្លួនពិតជាអាចធ្វើបាន លោកក៏ពត់សំឡេងបានដូចបំណង។

លោកបញ្ជាក់បន្ថែមថា វាអាចនិយាយបានថា លោកចេះប្រើសំឡេងនេះ ជាទេពកោសល្យដែលទេវតាប្រទានឱ្យដែរ ព្រោះលោកគ្រាន់តែហ្វឹកហាត់តាមវិធីបែបនេះរាល់ថ្ងៃ គឺអាចប្ដូរសំឡេងបានតាមតែខ្លួនចង់បាន។

“វាទាក់ទងនិងអារម្មណ៍ វិញ្ញាណ និងសំឡេង បើយើងផ្ដោតថាចង់បានអី គឺវាបានហ្នឹង អ្វីក៏ដោយយើងសុទ្ធតែអាចហ្វឹកហាត់បានឱ្យតែយើងព្យាយាម ពីតូចបងចូលចិត្តហ្វឹកហាត់នៅមុខកញ្ចក់ លេងចឹងទៅណា បានអាចប្រើសំឡេងប្ដូរបាន”។

តារារូបនេះត្រូវបានគេស្គាល់ដំបូងតាមរយៈកម្មវិធី Miss Photo City ហើយកាន់តែមានប្រជាប្រិយភាពខ្លាំងឡើងបន្ទាប់ពីបានចូលក្នុងកម្មវិធីទូរទស្សន៍មួយចំនួន និងបានសម្ដែងរឿង លេងកំប្លែង ជាពិសេសទេពកោសល្យការប្រើសំឡេងរបស់លោក៕

ប្រភព៖ Sabay News អត្ថបទ៖ ប៉ូ សាគុន