ស្ថិតិមួយបង្ហាញថា PSG ជាក្រុមល្អជាងគេនៅ UCL ក្រោយកក់កៅអីវគ្គ១៦ក្រុម

2017-11-01 06:22:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ PSG បានជាក្រុមទីមួយដែលបានឆ្លងទៅកាន់វគ្គ ១៦ក្រុមចុងក្រោយពានរង្វាន់ UEFA Champions League 2017-18 កាលពីយប់មិញ បន្ទាប់ពីបំបាក់ក្រុម Anderlecht ចាស់ដៃ ក្នុងលទ្ធផល ៥-០ និងជាជ័យជម្នះលើកទី៤ របស់ខ្លួន នៅក្នុងពូល B វគ្គសន្សំពិន្ទុ ក្នុងចំណោមការប្រកួត ៤លើកកន្លងទៅ។

លទ្ធផលនេះ បានធ្វើឲ្យ PSG ជាក្រុមមួយក្នុងព្រឹត្តិការណ៍ UEFA Champions League រដូវកាលនេះ ដែលមិនទាន់មានក្រុមណា អាចស៊ុតបញ្ចូលទីពួកគេបានឡើយ។ ពិសេស PSG បានធ្វើសម្រេចគោលដៅបញ្ចូលទីទៅលើគូប្រកួតចំនួន ១៧គ្រាប់មកហើយ ក្នុង ៤ប្រកួតកន្លងទៅ។

Neymar កីឡាករតម្លៃថ្លៃជាងគេក្នុងលោក នៅតែអាចបន្តរកគ្រាប់បាល់ឲ្យ PSG ក្នុងការប្រកួតយប់មិញ ដោយគេជាអ្នករកគ្រាប់បាល់ទី២ នៅក្នុងម៉ោងបន្ថែមតង់ទីមួយ។ ក្រុមយក្សមកពីបារាំង PSG រកបាន ២គ្រាប់ក្នុងតង់ទីមួយ និង បន្ថែម ៣គ្រាប់ទៀត ក្នុងតង់ទីពីរ៕