ភ្នំពេញ នឹងមានខុនដូកប់ពពក១ នៅឆ្នាំ២០២០

2017-11-01 07:21:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុន 4Season Construction ដែលមានមូលដ្ឋាននៅប្រទេសចិន បានសម្រេចចិត្តបោះទុនវិនិយោគ១០០លានដុល្លារអាមេរិក លើគម្រោង Le Bassac ជាគម្រោងសាងសង់ខុនដូកប់ពពក កម្ពស់៣៣ជាន់ថ្មីមួយនៅកណ្តាលរាជធានីភ្នំពេញ។

អគ្គនាយកក្រុមហ៊ុន 4Season Construction លោក Lu Hong Zhong និយាយថា នេះគឺជាគម្រោងទី១របស់ក្រុមហ៊ុន ដែលបានវិនិយោគ លើគម្រោងអគារលំនៅដ្ឋាន ដែលមានគុណភាពខ្ពស់ និងស្ថិតនៅក្នុងការខិតខំប្រឹងប្រែង សំរិតសំរាងនូវការបំពាក់បច្ចេកវិទ្យាសុវត្ថិភាព ផាសុខភាពនិងគំនិតច្នៃប្រឌិត។

លោក Lu Hong Zhong បន្ថែមទៀតថា គម្រោងនេះនឹងសាងសង់នៅលើផ្ទែដីជាង២៩០០ម៉ែត្រការ៉េ មាន៤១៧បន្ទប់ និងមានបំពាក់សេវាកម្មជាច្រើនដូចជា អាងហែលទឹក និងកន្លែងហាត់ប្រាណនៅជាន់ទី៣១។ គម្រោងនេះ គ្រោងចំណាយពេលសាងសង់រយៈពេល៣ឆ្នាំ ពោលគឺនឹងត្រូវបញ្ចប់នៅត្រឹមខែតុលា ឆ្នាំ២០២០៕

ប្រភព៖ Vayo Fm ប្រែសម្រួល៖ សំភី