លោកប្រាក់ សុវណ្ណារ៉ា ប្រាប់ហេតុផលមិនយក ធារី ចន្ថាប៊ីន និងឃួន ឡាបូរ៉ាវី ចូលជម្រើសជាតិ

2017-11-07 00:20:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែបម្រើឆ្នើម ធារី ចន្ថាប៊ីន និងខ្សែប្រយុទ្ធជើងចាស់ ឃួន ឡាបូរ៉ាវី មិនបានជាប់ក្នុងបញ្ជីឈ្មោះកីឡាករ ២៥ នាក់ សម្រាប់ការប្រកួតមិត្តភាពជាមួយមីយ៉ាន់ម៉ា និងការប្រកួតជម្រុះ AFC Asian Cup ជាមួយហ្សកដានី ថ្ងៃទី១៤ ខែវិច្ឆិកា ឆ្នាំ២០១៧ នៅពហុកីឡដ្ឋានជាតិឡើយ។

ធារី ចន្ថាប៊ីន ហ្វឹកហាត់ក្នុងក្រុមជម្រើសជាតិកន្លងមក

ទាក់ទងបញ្ហានេះលោក ប្រាក់ សុវណ្ណារ៉ា គ្រូបង្វឹកក្រុមជម្រើសជាតិកម្ពុជាពន្យល់ថា គ្រូបង្វឹកនៅលើពិភពលោកមានរបៀបនៃការលេងខុសៗគ្នា។ សម្រាប់ការមិនរើសយក ធារី និង បូរ៉ាវី ដោយសារអ្នកទាំងពីរលេងមិនត្រូវតាមការចង់បានរបស់លោក។

ឃួន ឡាបូរ៉ាវី ក្នុងការប្រកួតឲ្យក្រុមជម្រើសជាតិកម្ពុជា កន្លងមក

អតីតគ្រូបង្វឹកបឹងកេតរូបនេះ បញ្ជាក់ថា ការជ្រើសរើសរបស់លោក មើលទៅលើស្ថានភាពជាក់ស្ដែងក្នុងការជួយក្រុមរបស់គេផ្ទាល់ ពិសេសគឺកីឡាករទាំងពីរមានកម្រិតសមត្ថភាពមិនល្អគ្រប់គ្រាន់ ដើម្បីទទួលបានឱកាសជាប់ឈ្មោះមកលេងជាកូនក្រុមរបស់លោក។

លោក ប្រាក់ សុវណ្ណារ៉ា

លោក ប្រាក់ សុវណ្ណារ៉ា ទើបតែចូលដឹកនាំជំនួសលោក Leonardo Vitorino ដែលត្រូវបានសហព័ន្ធកីឡាបាល់ទាត់កម្ពុជា បញ្ឈប់ពីតំណែង ក្រោយដឹកនាំកម្ពុជាចាញ់វៀតណាម ៥-០ នៅទឹកដីវៀតណាម កាលពីខែតុលា ឆ្នាំ២០១៧៕

អត្ថបទ៖ ស្រី សុវណ្ណដារ៉ា