U19 កម្ពុជា មានសង្ឃឹមកាន់តែតិច ដើម្បីប្រជែងយកលេខ២ល្អបំផុតទាំង៥

2017-11-07 02:15:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មកទល់ថ្ងៃទី៧ ខែវិច្ឆិកា ឆ្នាំ២០១៧នេះ ការប្រកួតវគ្គជម្រុះពានរង្វាន់ AFC U19 Championship 2018 ដំណើរការបានជាងពាក់កណ្ដាលផ្លូវហើយ តាមពូលនីមួយៗ ខណៈពូលទាំង ៩ ក្រៅពីពូលរបស់កម្ពុជា វគ្គជម្រុះពានរង្វាន់នេះនឹងត្រូវបិទបញ្ចប់នៅថ្ងៃពុធ ទី៨ ខែវិច្ឆិកា ឆ្នាំ២០១៧។

ក្រុមជម្រើសជាតិអាយុក្រោម ១៩ឆ្នាំកម្ពុជា

បើក្រឡេកមើលចំណាត់ក្រុមលេខ២ ល្អបំផុតបណ្ដោះអាសន្ន កម្ពុជា បានធ្លាក់ទៅកាន់ចំណាត់ថ្នាក់លេខ៦ ហើយក៏ធ្វើឲ្យក្ដីសង្ឃឹមក្នុងការឡើងទៅលេងជុំផ្តាច់ព្រ័ត្រ នាប្រទេសឥណ្ឌូណេស៊ី នៅឆ្នាំ២០១៨ ខាងមុខនេះ ក៏កាន់តែស្ដួចស្ដើងផងដែរ។ ការប្រកួតនេះ គឺតម្រូវយកក្រុមលេខ២ ល្អបំផុត ត្រឹមតែ ៥ក្រុមប៉ុណ្ណោះ ដើម្បីបូកបង្គ្រប់ជាមួយ ១០ក្រុមផ្សេងទៀត ដែលជាក្រុមលេខ១ ក្នុងពូលនីមួយៗ។

ទោះជាយ៉ាងណា គេមិនទាន់អាចសន្និដ្ឋានបាននៅឡើយទេថា កម្ពុជាត្រូវបាត់បង់ឱកាសមួយនេះ ព្រោះពិន្ទុក្រុមលេខ២ល្អ របស់ក្រុមមកពីពូលផ្សេងៗ មិនទាន់ត្រូវបានដកពិន្ទុដែលប៉ះជាមួយក្រុមបាតតារាងនៅឡើយទេ។ ដូច្នេះ ពិន្ទុក្រុមលេខ២ល្អបំផុត អាចដឹងបាន លុះត្រាតែការប្រកួតទាំងអស់ត្រូវបានបញ្ចប់ ហើយពិន្ទុដែលក្រុមលេខ២ ទទួលបានពីក្រុមបាតតារាង (លេខ៤ និងលេខ៥) ត្រូវដកចេញវិញ។

តារាងពិន្ទុ ក្រុមលេខ២ ល្អជាងគេ បណ្ដោះអាសន្ន គិតត្រឹមថ្ងៃទី៧ខែវិច្ឆិកាឆ្នាំ២០១៧

សូមបញ្ជាក់ថា ការមិនរាប់បញ្ចូលពិន្ទុបានពីក្រុមលេខ៤ និងលេខ៥ គឺដោយសារក្រុមមួយចំនួនបានសម្រេចចិត្តដកខ្លួនចេញពីវគ្គជម្រុះពានរង្វាន់ AFC U19 Championship នេះ៕

អត្ថបទ៖ លាភ.