សណ្ឋាគារប្រណីតផ្កាយ៥ ក្លាយជាគុក ឃុំឃាំងព្រះអង្គម្ចាស់អារ៉ាប៊ីសាអ៊ូឌីត ១១អង្គ
- 2017-11-08 06:07:52
- ចំនួនមតិ 0 | ចំនួនចែករំលែក 0
សណ្ឋាគារប្រណីតផ្កាយ៥ ក្លាយជាគុក ឃុំឃាំងព្រះអង្គម្ចាស់អារ៉ាប៊ីសាអ៊ូឌីត ១១អង្គ
ចន្លោះមិនឃើញ
កាលពីចុងសប្ដាហ៍មុន មានការជម្លៀសភ្ញៀវចេញភ្លាមៗទាំងពាក់កណ្ដាលយប់ពីសណ្ឋាគារលំដាប់ផ្កាយ៥ Ritz-Carlton ក្នុងទីក្រុង Riyadh ប្រទេសអារ៉ាប៊ីសាអ៊ូឌីត។
ការបណ្ដេញភ្ញៀវចេញជាបន្ទាន់ គឺដើម្បីយកសណ្ឋាគារដ៏ប្រណីតនេះធ្វើជាកន្លែងឃុំឃាំងអ្នកទោសជាន់ខ្ពស់ជាច្រើននាក់ ដែលក្នុងនោះរួមមាន ព្រះអង្គម្ចាស់អារ៉ាប៊ីសាអ៊ូឌីតចំនួន ១១អង្គ ព្រមទាំងមន្ត្រីរដ្ឋាភិបាល និងអ្នកជំនួញមួយចំនួន។ នេះជាការចាប់ខ្លួនជាប្រវត្តិសាស្ត្រនូវក្រុមអ្នកមានលំដាប់កំពូលនៅអារ៉ាប៊ីសាអ៊ូឌីត ដែលពាក់ព័ន្ធនឹងអំពើពុករលួយ។
ប្រភពពីសារព័ត៌មាន Daily Mail បញ្ជាក់ថា មួយនៅក្នុងចំណោមជនសង្ស័យគឺជា ក្មួយបង្កើតរបស់ស្ដេចអារ៉ាប៊ីសាអ៊ូឌីត ដែលមានអ្នកទ្រព្យសម្បត្តិ ១៨ពាន់លានដុល្លារ ហើយមានភាគហ៊ុននៅក្រុមហ៊ុនធំៗដូចជា Twitter, Lyft និង Citigroup ជាដើម។
ពាក់ព័ន្ធនឹងបញ្ហានេះ លោក ដូណាល់ ត្រាំ ដែលជាប្រធានាធិបតីអាមេរិក បានបង្ហោះសារនៅលើបណ្ដាញសង្គមថា លោកមានទំនុកចិត្តខ្ពស់ចំពោះស្ដេចអារ៉ាប៊ីសាអ៊ូឌីត Salman bin Abdulaziz Al Saud និងព្រះអង្គម្ចាស់រាជទាយាទ Mohammad bin Salman ក្នុងការចាត់ចំណាត់ការលើរឿងមួយនេះ។ លោក ត្រាំ បន្ថែមថា មួយចំនួននៃអ្នកដែលត្រូវឃាត់ខ្លួន បានកេងផលចំណេញពីប្រទេសអារ៉ាប៊ីសាអ៊ូឌីត អស់ជាច្រើនឆ្នាំមកហើយ៕