Giggs ទៅដឹកនាំក្រុមនៅប្រទេសវៀតណាម?

2017-11-11 09:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Ryan Giggs និង Paul Scholes ដែលជាវីរបុរសរបស់ក្រុមបិសាចក្រហម Manchester United នឹងធ្វើដំណើរទៅកាន់ប្រទេសវៀតណាម ដើម្បីចូលរួមពិធីបើកសម្ពោធសាលាបាល់ទាត់ថ្នាលយុវជនមួយ ដែលបង្កើតឡើងដោយមូលនិធិនៃក្លឹបបាល់ទាត់ទេពកោសល្យវៀតណាម (PVF) នៅថ្ងៃទី១៩ ខែវិច្ឆិកា ខាងមុខនេះ។

Ryan Giggs

Ryan Giggs នឹងស្នាក់នៅប្រទេសវៀតណាម ដើម្បីកាន់តួនាទីជាអ្នកចាត់ការម្នាក់ ក្នុងចំណោមអ្នកចាត់ការជាច្រើន នៅក្នុងក្រុមថ្នាលយុវជនមួយនេះ។ តាមរយៈបទពិសោធន៍ជាច្រើនឆ្នាំមកនេះ Giggs នឹងរួមចំណែកក្នុងការបណ្ដុះបណ្ដាលយុវជនដែលមានទេពកោសល្យរបស់វៀតណាម។

ក្រោយបង្កើតឡើងក្នុងឆ្នាំ២០០៨ ក្លឹប PVF ត្រូវបានចាត់ទុកជាក្លឹបមួយដែលឈានមុខគេក្នុងការបណ្ដុះបណ្ដាលថ្នាលយុវជន នៅតំបន់អាស៊ីអាគ្នេយ៍ ដោយមានឧបករណ៍ទំនើប និងទីតាំង សម្រាប់ហ្វឹកហាត់។

ថ្នាលយុវជនរបស់ក្លឹប PVF របស់វៀតណាម

លោក Hoang Anh Tuan គ្រូបង្វឹកក្រុម U19 វៀតណាម មានតួនាទីគ្រប់គ្រងលើថ្នាក់ដឹកនាំគ្រូបង្វឹកក្រុមថ្នាលយុវជន PVF ដោយមានការចែករំលែកបទពិសោធន៍ពីអតីតកីឡាករជម្រើសជាតិអង់គ្លេសមួយចំនួន រួមទាំងសមាជិកមកពីសហព័ន្ធកីឡាបាល់ទាត់អង់គ្លេស លោក Steve Stennett និងគ្រូបង្វឹកអ្នកចាំទីរបស់ Arsenal លោក Jason Brown ផងដែរ៕

ប្រភព៖ Football Tribe ប្រែសម្រួល៖ លាភ.