លោក ដូណាល់ ត្រាំ រអ៊ូរឿងភាពមិនស្មើគ្នានៃពាណិជ្ជកម្ម នៅក្នុងកិច្ចប្រជុំ APEC
- 2017-11-12 03:20:05
- ចំនួនមតិ 0 | ចំនួនចែករំលែក 0
លោក ដូណាល់ ត្រាំ រអ៊ូរឿងភាពមិនស្មើគ្នានៃពាណិជ្ជកម្ម នៅក្នុងកិច្ចប្រជុំ APEC
ចន្លោះមិនឃើញ
ប្រធានាធិបតីអាមេរិក លោក ដូណាល់ ត្រាំ បាននិយាយក្នុងកិច្ចប្រជុំ APEC កាលពីថ្ងៃទី១០វិច្ឆិកាដោយរិះគន់អង្គការពាណិជ្ជកម្មពិភពលោកថា បានបង្កើតច្បាប់ពាណិជ្ជកម្មសកល ដែលមិនដំណើរការល្អ និងត្អូញត្អែរអំពីភាពមិនស្មើគ្នានៃពាណិជ្ជកម្ម។
លោក ដូណាល់ ត្រាំ រិះគន់ថា ច្បាប់ពាណិជ្ជកម្មសកលនឹងមិនដំណើរការល្អឡើយ ប្រសិនបើសមាជិកអង្គការពាណិជ្ជកម្មពិភពលោកទាំងអស់ មិនគោរពតាមច្បាប់នោះ។ លោកបន្ថែមថា អាមេរិកបានបន្ទាបរនាំងទីផ្សារ និងបញ្ចប់ការយកពន្ធគយ តែប្រទេសផ្សេងៗទៀតមិនដូច្នោះឡើយ ជាហេតុធ្វើឲ្យប៉ះពាល់ដល់ការងាររបស់ប្រជាជនអាមេរិករាប់លាននាក់។
ទោះជាយ៉ាងណា លោក ដូណាល់ ត្រាំ មិនបានបន្ទោសប្រទេស APEC ណាមួយឡើយ ពោលគឺមិនបានបន្ទោសប្រទេសចិន ដែលលោកតែងតែរិះគន់នាពេលកន្លងមកនោះឡើយ ដោយលោកចោទប្រកាន់រដ្ឋបាលអាមេរិកមុនៗថាគ្មានវិធានការដោះស្រាយចំពោះបញ្ហាពាណិជ្ជកម្មនេះឡើយ។
លោកបន្តថា អាមេរិក នឹងបង្កើតកិច្ចព្រមព្រៀងទ្វេភាគីជាមួយដៃគូក្នុងតំបន់ឥណ្ឌូ-ប៉ាស៊ីហ្វិកណាមួយ ដែលគោរពតាមពាណិជ្ជកម្មយុត្តិធម៌ និងផលប្រយោជន៍គ្នាទៅវិញទៅមក៕