រ៉ូលីន ប្រកាសថានឹងឈប់តែងខ្លួនជាស្រី ហើយដកខ្លួនពីសិល្បៈ

2017-11-12 09:23:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ជួប ច័ន្ទកក្កដា ហៅ រ៉ូលីន បានប្រកាសថា ខ្លួននឹងដើរចេញពីសង្គមសិល្បៈនៅអាយុ ៣៥ឆ្នាំ គឺឈប់តុបតែងខ្លួនជាស្រី និងលែងដើរលើវិថីមួយនេះ។ បច្ចុប្បន្ននេះ រ៉ូលីនមានអាយុ ២៩ឆ្នាំហើយ។

តារាពូកែសម្តីរូបនេះ បានប្រាប់កាលពីពេលថ្មីៗនេះថា លោកនឹងដកខ្លួនចេញពីសិល្បៈ នៅអាយុ ៣៥ ឆ្នាំ ដោយហេតុផលថា ចង់សម្រាកដើម្បីមានពេលវេលាសម្រាប់ខ្លូនឯងផង។ លោកមានគម្រោងយ៉ាងច្បាស់លាស់ ក្រោយលាឈប់ពីសិល្បៈ គឺលោកនឹងទៅដើរកម្សាន្តនៅក្រៅប្រទេស និងបើកហាងកាហ្វេតូចមួយ។

រ៉ូលីននិយាយយ៉ាងដូច្នេះថា «ខ្ញុំគិតថាអាយុ៣៥ ខ្ញុំចូលនិវត្តន៍ ព្រោះខ្ញុំអាយុច្រើនហើយពិបាកពាក់កែង ហើយរូបរាងខ្ញុំវាមិនដូចមុន។ កន្លងមកខ្ញុំធ្វើដើម្បីម្តាយខ្ញុំ ដើម្បីគ្រួសារថ្កុំថ្កើន ពេលនេះអស់ពីម្តាយទៅ ខ្ញុំចង់ធ្វើអ្វីដើម្បីខ្លួនឯង ខ្ញុំចង់ដើរលេងជុំវិញពិភពលោក និងចង់មានហាងកាហ្វេតូចមួយ»។

រ៉ូលីនបញ្ជាក់ថា ក្នុងរយៈពេល ៦ឆ្នាំទៅមុខ លោកនឹងព្យាយាមធ្វើការងារឲ្យល្អបំផុតដើម្បីទស្សនិកជន។ ចំពោះរឿងស្នេហា លោកប្រាប់ថា មិនទាន់គិតទេព្រោះវាជារឿងឥតប្រយោជន៍ គឺលោកកំពុងរីករាយនឹងជីវិតនៅលីវ៕

ប្រភព៖ Sabay News អត្ថបទ៖ ស្រីអូន