វៀតណាម តែងតាំង Ryan Giggs ជានាយកក្រុមថ្នាលយុវជនរបស់ខ្លួនហើយ

2017-11-13 02:58:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Ryan Giggs ដែលជាវីរបុរសរបស់ក្រុមបិសាចក្រហម Manchester United ត្រូវបានតែងតាំងជានាយកនៃក្រុមថ្នាលយុវជននៃក្លឹបបាល់ទាត់ទេពកោសល្យវៀតណាម (PVF) ដែលបង្កើតឡើងដោយមូលនិធិ Promotion Fund ។

Ryan Giggs

យោងតាមប្រភពពីវៀតណាម Tin The Thao បានឲ្យដឹងថា Giggs នឹងធ្វើដំណើរទៅកាន់ប្រទេសវៀតណាម អមដោយអតីតមិត្តរួមក្រុម Paul Scholes និងនាយកគ្រប់គ្រងក្រុម Manchester United អន្តរជាតិ លោក Mike Farnan នៅថ្ងៃទី១៩ ខែវិច្ឆិកា ឆ្នាំ២០១៧ ដើម្បីចូលរួមពិធីបើកសម្ពោធក្រុមបាល់ទាត់ថ្នាលយុវជនខាងលើ។ ចំណែក តួនាទីរបស់ Scholes គេមិនទាន់បានបញ្ជាក់នោះទេ។

តួនាទីរបស់ Giggs គឺបំពាក់បំប៉នក្រុមគ្រូបង្វឹក និងកីឡាករយុវជន ដោយផ្ដោតលើការវាយតម្លៃ និងតាមដានការហ្វឹកហាត់របស់គ្រូបង្វឹកជាន់ខ្ពស់។ ទោះជាយ៉ាងណា Giggs និង Scholes មិនរស់នៅប្រទេសវៀតណាមនោះទេ ពោលគឺគ្រាន់តែធ្វើដំណើរទៅមករយៈពេល ៣ខែម្ដង ដើម្បីត្រួតពិនិត្យដំណើរការរបស់ក្រុមប៉ុណ្ណោះ៕