គ្រូហ្សកដានី ថា កម្ពុជាត្រូវការឈ្នះក្រុមខ្លួនដើម្បីបង្កើតប្រវត្តិសាស្ត្រ

2017-11-13 06:20:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Jamal Abu-Abed គ្រូបង្វឹកក្រុមជម្រើសជាតិហ្សកដានី បានប្រាក់ក្នុងសន្និសីទសារព័ត៌មាន កាលពីព្រឹកថ្ងៃចន្ទទី១៣វិច្ឆិកានេះថា ការមកលេងនៅទឹកដីកម្ពុជា គឺក្រុមរបស់លោកមានគោលបំណងតែមួយគត់ ហើយកម្ពុជា ក៏មានគោលបំណងមួយដូចគ្នាគឺ យកឈ្នះហ្សកដានី ដើម្បីបង្កើតប្រវត្តិសាស្ត្ររបស់ខ្លួន។

ប្រធានក្រុមជម្រើសជាតិកម្ពុជា (គួច សុគុម្ភៈ) ចាប់ដៃប្រធានក្រុមជម្រើសជាតិហ្សកដានី ក្រោយសន្និសីទសារព័ត៌មាន ព្រឹកថ្ងៃទី១៣វិច្ឆិកា ឆ្នាំ២០១៧

អតីតកីឡាករបាល់ទាត់សញ្ជាតិហ្សកដានីរូបនេះបានឲ្យដឹងថា ក្នុងការប្រកួតជាមួយកម្ពុជា ក្រុមហ្សកដានីនឹងព្យាយាមស្វែងរក ៣ពិន្ទុឲ្យខានតែបាន ដើម្បីសម្រេចបំណងក្នុងការឡើងទៅវគ្គបន្តទៀត។ លោកបន្ថែមថា ខ្លួនមិនគិតពីលទ្ធផលកាលពីជួបគ្នាលើកដំបូង ដែលហ្សកដានីបានយកឈ្នះកម្ពុជា ៧-០ នោះទេ ពោលគឺលោកផ្ដោតលើលទ្ធផលថ្ងៃស្អែក ហើយក្រុមរបស់លោកនឹងព្យាយាមឲ្យអស់ពីសមត្ថភាព ១០០ភាគរយ។

ចំពោះបញ្ហានេះ លោក ប្រាក់ សុវណ្ណារ៉ា គ្រូបង្វឹកក្រុមជម្រើសជាតិកម្ពុជា ក៏បានលើកឡើងដែរថា ការប្រកួតថ្ងៃស្អែកនេះ ជាជំនួបដ៏តានតឹងបំផុតក្នុងអាជីពជាគ្រូបង្វឹករបស់លោក ព្រោះកម្រិតនៃកីឡាករក្រុមទាំងពីរ ខុសគ្នាឆ្ងាយ។ ប៉ុន្តែកម្ពុជា មានមហិច្ឆតារបស់ខ្លួន បើទោះបីជាទទួលបានត្រឹមលទ្ធផលស្មើជាមួយហ្សកដានី ក៏ជាជោគជ័យដ៏ធំធេងមួយដែរ។

លោក Jamal Abu-Abed ក៏បានក្រើនរំឭកដល់កូនក្រុម កុំឲ្យមានការមើលស្រាលលើកម្ពុជាផងដែរ ព្រោះកូនក្រុមរបស់លោក ប្រាក់ សុវណ្ណារ៉ា ជាកីឡាករល្អៗ៕