ចន ច័ន្ទលក្ខិណា ប្តេជ្ញាធ្វើឲ្យសិល្បករខ្មែរបញ្ឈប់ការប្រើពាក្យអសុរោះនៅលើហ្វេសប៊ុក

2017-11-13 07:20:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកនាង ចន ច័ន្ទលក្ខិណា ប្រធានសមាគមសិល្បករខ្មែរ បានបញ្ជាក់ថា អ្នកនាងនឹងព្យាយាមឲ្យអស់ពីសមត្ថភាព ដើម្បីធ្វើយ៉ាងណាឲ្យសិល្បករខ្មែរបញ្ចប់ទាំងស្រុងនូវការប្រើប្រាស់ពាក្យសម្ដីមិនសមរម្យលើបណ្ដាញសង្គមហ្វេសប៊ុក។

តារាសម្តែងរូបនេះ អះអាងថា ការប្រើប្រាស់ពាក្យជេរប្រមាថគ្នា ដោយពាក្យអសុរោះលើបណ្ដាសង្គមហ្វេសប៊ុក ពីសំណាក់សិល្បករ សិល្បការិនីខ្មែរមួយរយៈចុងក្រោយ បានថមថយទៅវិញ បន្ទាប់ពីអ្នកនាងចេញមុខសុំទោសជាសាធារណៈមុនគេក្នុងនាមជាប្រធានសមាគមសិល្បករខ្មែរ។

អ្នកនាងបន្តថា ការជេរប្រមាថគ្នារបស់សិល្បករមួយចំនួនលើបណ្ដាញសង្គមនេះ នាពេលកន្លងទៅពិតជាធ្វើឱ្យប៉ះពាល់ដល់សេចក្ដីថ្លៃថ្នូរ និងកិត្តិយសរបស់សិល្បៈពិតមែន។ អ្នកនាងមើលឃើញថាបន្ទាប់ពីខ្លួនចេញមុខមុនគេលើរឿងនេះ គឺមានសិល្បករមួយចំនួនធំយកតម្រាប់តាម។

អ្នកនាង ចន ច័ន្ទលក្ខិណា ព្រមានថា ករណីប្រសិនបើនៅតែបន្ត អាចធ្វើឱ្យទស្សនិកជនទទួលយកមិនបាន អ្នកនាងអាចនឹងមានវិធានការ ក្នុងនាមប្រធានសិល្បករខ្មែរ៕

ប្រភព៖ Sabay News អត្ថបទ៖ ចរិយា