ចិន ដាក់ដំណើរការកប៉ាល់ទម្ងន់ ២ពាន់តោន ដើរដោយកម្លាំងអគ្គិសនីសុទ្ធសាធ
- 2017-11-15 02:17:13
- ចំនួនមតិ 0 | ចំនួនចែករំលែក 0
ចិន ដាក់ដំណើរការកប៉ាល់ទម្ងន់ ២ពាន់តោន ដើរដោយកម្លាំងអគ្គិសនីសុទ្ធសាធ
ចន្លោះមិនឃើញ
កប៉ាល់ទម្ងន់ ២ពាន់តោន ដែលប្រើកម្លាំងអគ្គិសនី ១០០% ត្រូវបានដាក់ឲ្យដំណើរការហើយនៅក្នុងទីក្រុង Guangzhou ខេត្ត Guangdong ប្រទេសចិន កាលពីថ្ងៃទី១៣ ខែវិច្ឆិកា ឆ្នាំ២០១៧។
វាជាកប៉ាល់ដំបូងគេបង្អស់លើពិភពលោក ដែលប្រើប្រាស់កម្លាំងអគ្គិសនីពេញលេញដល់ទៅ ២៤០០គីឡូវ៉ាត់ម៉ោង។ ក្នុងការសាកបំពេញម្ដង វាត្រូវការពេលត្រឹម ២ម៉ោងកន្លះ តែប៉ុណ្ណោះ ហើយអាចរត់បានរយៈចម្ងាយ ៨០គីឡូម៉ែត្រ។
កប៉ាល់យក្សនេះ ត្រូវបានផលិតឡើងដោយក្រុមហ៊ុនចិន Guangzhou Shipyard International។ វាមានប្រវែង ៧០,៥ម៉ែត្រ ទទឹង ៤,៥ម៉ែត្រ ហើយអាចផ្ទុកទំនិញបាន ២ពាន់តោន។ ល្បឿនអតិបរមាគឺ ១២,៨គីឡូម៉ែត្រក្នុង១ម៉ោង៕