iPhone នៅឆ្នាំ២០១៩ នឹងមានបំពាក់ 3D Sensor លើកាមេរ៉ាក្រោយ

2017-11-15 02:57:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមការចុះផ្សាយរបស់ Bloomberg បានឲ្យដឹងថា Apple កំពុងពិសោធការដាក់ប្រព័ន្ធ 3D Sensor នៅលើកាមេរ៉ាខាងក្រោយរបស់ iPhone ខណៈនាពេលបច្ចុប្បន្ន 3D Sensor មាននៅលើតែកាមេរ៉ាមុខប៉ុណ្ណោះតាមរយៈបច្ចេកវិទ្យា TrueDepth។

ការបំពាក់ 3D Sensor លើកាមេរ៉ាខាងក្រោយ នឹងជួយឲ្យមុខងារ ARKit នៅលើ iPhone កាន់តែដំណើរការយ៉ាងរលូន និងមានភាពច្បាស់លាស់ជាងមុន។ លើសពីនេះទៅទៀត វាក៏ទំនងជាអាចបង្កើនគុណភាពការថត Portrait Mode ផងដែរ។

3D Sensor ខាងក្រោយរបស់ iPhone នឹងមានលក្ខណៈខុសពី 3D Sensor នៅខាងមុខ ព្រោះវានឹងប្រើនូវបច្ចេកវិទ្យា Time-of-Flight ជំនួសឲ្យការប្រើ Structured-Light។ ក្រុមហ៊ុនដែលអាចផលិត 3D Sensor បែបនេះ ហើយត្រូវបាន Apple កំពុងចរចាជាមួយ រួមមាន Infineon Technologies AG, Sony Corp., STMicroelectronics NV និង Panasonic Corp។

AR នៅលើ iPhone X

វាការបោះជំហានប្លែកថ្មីមួយទៀតរបស់ Apple ដែលកំពុងស្ថិតក្នុងការពិសោធ ដូច្នេះហើយគេមិនរំពឹងថា វានឹងអាចបំពាក់ 3D Sensor នៅកាមេរ៉ាក្រោយឲ្យបានមុនឆ្នាំ២០១៩ ឡើយ៕

ប្រភព៖ Bloomberg ប្រែសម្រួល៖ ឈាង.