អាពាហ៍ពិពាហ៍ភេទដូចគ្នា នឹងទទួលបានភាពស្របច្បាប់នៅអូស្ត្រាលី

2017-11-15 04:17:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការស្ទង់មតិជាតិរបស់អូស្ត្រាលីអំពីការរៀបការរវាងមនុស្សភេទតែមួយ ដែលមានរយៈពេល២ខែកន្លងមក បានចេញជាលទ្ធផលហើយ។ លទ្ធផលដែលទើបចេញកាលពីប៉ុន្មានម៉ោងមុននេះ បង្ហាញថា ៦១% នៃអ្នកបោះឆ្នោតសរុប សម្រេចអនុញ្ញាតឲ្យមានអាពាហ៍ពិពាហ៍ភេទដូចគ្នា។

ក្រោយដឹងលទ្ធផល ប្រជាពលរដ្ឋអូស្ត្រាលីជាច្រើននាក់បានសម្ដែងការសាទរយ៉ាងខ្លាំង ហើយអ្នកខ្លះបានធ្វើជាពិធីជប់លៀងថែមទៀតផង។

ពលរដ្ឋអូស្ត្រាលីសាទរនឹងលទ្ធផលស្ទង់មតិ

មនុស្សដែលចូលរួមបោះឆ្នោតនេះ មានចំនួន ១២,៧លាននាក់ ស្មើនឹង ៧៩,៥% នៃពលរដ្ឋអូស្ត្រាលីសរុប។ ពាក់ព័ន្ធនឹងលទ្ធផលនៃការស្ទង់មតិ លោក Malcolm Turnbull នាយករដ្ឋមន្ត្រីអូស្ត្រាលី បាននិយាយថា វាគឺជាចម្លើយដ៏រីករាយបំផុតពីពលរដ្ឋអូស្ត្រាលី ហើយច្បាប់អនុញ្ញាតឲ្យរៀបការភេទដូចគ្នា នឹងចូលជាធរមានមុនពិធីបុណ្យណូអែលខាងមុខ (២៥ ធ្នូ ២០១៧) បន្ទាប់ពីឆ្លងកាត់សភាជាមុនសិន៕