ភ្នាក់ងារពន្លត់អគ្គិភ័យនៅថៃ ចាប់ពស់ច្រើនករណីជាងពន្លត់ភ្លើង

2017-11-16 04:51:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រជាពលរដ្ឋរស់នៅទីក្រុងបាងកកមួយចំនួន បាននិងកំពុងជួបប្រទះបញ្ហាសត្វពស់រុករានផ្ទះសម្បែង ដែលជាហេតុបណ្ដាលឲ្យមានការរវល់ជាខ្លាំងសម្រាប់ក្រុមអ្នកពន្លត់អគ្គិភ័យក្នុងការដោះស្រាយបញ្ហានេះ។

លោក Tara Buakamsri នាយកអង្គការ Greenpeace Southeast Asia ប្រចាំប្រទេសថៃ បានឲ្យដឹងថា ទីក្រុងដែលមានមនុស្សរស់នៅប្រមាណ១០លាននាក់នេះ កំពុងចាត់វិធានការរុករកសត្វពស់បន្ថែមទៀត ព្រោះនាពេលបច្ចុប្បន្នករណីពស់លូនចូលផ្ទះប្រជាជនមានការកើនឡើងច្រើន។ មួយវិញទៀត បាងកកគឺស្ថិតនៅតំបន់វាលទំនាបទាប ងាយរងគ្រោះដោយសារទឹកជំនន់។ រាល់ពេលលិចម្ដងៗ តែងមានពពួកសត្វល្មូនហូរហៀរចូលក្រុង ជាពិសេសសត្វពស់តែម្ដង។

លោក Chanun Chisa ពលរដ្ឋម្នាក់នៅបាងកក ប្រាប់ថា៖ "ខ្ញុំរស់នៅផ្ទះនេះ២០ឆ្នាំមកហើយ កម្រឃើញសត្វពស់ណាស់។ ប៉ុន្តែនៅឆ្នាំនេះ ពួកយើងឃើញវាញឹកញាប់ ដោយ១ខែឃើញពស់២-៣ដងទៅហើយ"។

ពាក់ព័ន្ធនឹងបញ្ហាខាងលើ ក្រុមការងារពន្លត់អគ្គិភ័យ បានបញ្ជាក់ថា ពួកគេទទួលបានទូរសព្ទច្រើនជាងមុនឲ្យដោះស្រាយបញ្ហា តែបញ្ហានោះមិនមែនទៅពន្លត់ភ្លើងទេ គឺទៅចាប់ពស់តាមផ្ទះប្រជាជន។ បុគ្គលិកពន្លត់អគ្គិភ័យម្នាក់ឈ្មោះ Phinyo និយាយថា៖ "ក្នុង១ថ្ងៃៗ ពួកយើងទទួលបានទូរសព្ទ ៤-៥ករណី ដើម្បីចាប់ពស់។ ខ្ញុំគិតថា ប្រជាពលរដ្ឋចាប់ផ្ដើមដឹងថា ពួកគេអាចទៅរកមន្ត្រីជំនាញ (ដូចជា ក្រុមពន្លត់អគ្គិភ័យ) សម្រាប់ដោះស្រាយបញ្ហា។ កាលពីមុន ពួកគាត់តែងចាប់ពស់ដោយខ្លួនឯង ដោយប្រើឈើវែង ឬរបស់របរស្រដៀងនេះ ដើម្បីវាយសត្វពស់"៕