ចេតិយមួយក្នុងបរិវេណប្រាសាទអង្គរ បង្កប់អាថ៌កំបាំងច្រើនដែលអ្នកមិនបានដឹង
- 2017-11-16 06:25:11
- ចំនួនមតិ 0 | ចំនួនចែករំលែក 0
ចេតិយមួយក្នុងបរិវេណប្រាសាទអង្គរ បង្កប់អាថ៌កំបាំងច្រើនដែលអ្នកមិនបានដឹង
ចន្លោះមិនឃើញ
យោងតាមអាជ្ញាធរជាតិអប្សរា នៅថ្ងៃទី១៦ ខែវិច្ឆិកា ឆ្នាំ២០១៧ នេះបានឲ្យដឹងថា ចេតិយ ដែលមានទីតាំងស្ថិតនៅខាងក្រោយក្នុងបរិវេណប្រាសាទអង្គរវត្ត ទិសខាងកើតនៃថែវទី៣ គឺមានឈ្មោះថា ជ័យនន្ទ។
តាមការពន្យល់របស់លោក អ៊ា ដារិទ្ធ និងយោងតាមសិលាចារឹក ចាប់ពីស.វទី១៦ ដល់ទី១៨ ប្រាសាទអង្គរវត្ត ត្រូវបានគេឲ្យឈ្មោះថា «ព្រះវិស្ណុលោក» ដែលជាព្រះបច្ឆាមរណនាមរបស់ព្រះបាទសូរ្យវរ្ម័នទី២។ ប្រាសាទអង្គរវត្តនាសម័យកាលនោះ ត្រូវបានគេចាត់ទុក ជាប្រាសាទផង និងជាចេតិយផង ដែលរាស្រ្ត និងខ្សែរាជវង្សានុវង្សនាសម័យនោះបានទៅសំពះព្រះ ធ្វើបុណ្យ និងធ្វើសច្ចាប្រណិធានជាដើម។
ជំនឿនេះ មានតជារហូតមក ដោយអ្នកស្រុកដែលមានជំនឿ តែងយកធាតុទៅបញ្ចុះនៅបរិវេណប្រាសាទអង្គរវត្ត។ លោក អ៊ា ដារិទ្ធ បានលើកឧទាហរណ៍អំឡុងឆ្នាំ ២០០០ ជាង ពេលលោកធ្វើកំណាយពីប្រព័ន្ធបង្ហូរទឹកក្នុងបរិវេណប្រាសាទ ក៏ប្រទះឃើញគំនរឆ្អឹងជាច្រើន ទាំងកប់ផ្ទាល់ដី និងខ្លះដាក់ក្នុងកុលាលភាជន៍។
ការណ៍នេះហើយ ទើបធ្វើឲ្យអ្នកស្រាវជ្រាវ បានទាញសេចក្ដីសន្និដ្ឋានយ៉ាងច្បាស់លាស់ថា ប្រហែលអ្នកស្រុក មានបំណងចង់ភ្ជាប់និស្ស័យជាមួយចេតិយដ៏ធំខ្ពង់ខ្ពស់ របស់ព្រះបាទសូរ្យវរ្ម័នទី២ ឬប្រាសាទអង្គរវត្ត ដើម្បីឲ្យអ្នកដែលបានស្លាប់ទៅបានខ្ពង់ខ្ពស់ដែរ៕