បុគ្គលិកវិទ្យុអាស៊ីសេរី ត្រូវបានបញ្ជូនទៅកាន់តុលាការហើយ

2017-11-16 08:39:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅរសៀលថ្ងៃទី១៦ខែវិច្ឆិកានេះ សមត្ថកិច្ចបានបញ្ជូនអតីតបុគ្គលិកវិទ្យុអាស៊ីសេរី ២នាក់ គឺលោក អួន ឈិន និងលោក យាង សុជាមេត្តា ទៅកាន់តុលាការហើយ ក្រោយបញ្ចប់ការសាកសួរ។ ការបញ្ជូនជនសង្ស័យទាំង២រូបទៅតុលាការនោះ បន្ទាប់ពីសមត្ថកិច្ចរកឃើញថា ពួកគេមានជាប់ពាក់ព័ន្ធនឹងបទល្មើសមាត្រា៤៤៥ នៃក្រមព្រហ្មទណ្ឌ «បទប្រគល់ឲ្យរដ្ឋបរទេសនូវព័ត៌មាន ជាអាទិ៍ ដែលអាចធ្វើឲ្យអន្តរាយការការពារជាតិ»។

លោក អួន ឈិន និងលោក យាង សុជាមេត្តា

គួររំលឹកថា អតីតបុគ្គលិកវិទ្យុអាស៊ីសេរី ចំនួន ២នាក់ ត្រូវបានសមត្ថកិច្ចឃាត់ខ្លួននៅក្នុងផ្ទះសំណាក់ម៉ារ៉ាឌី ស្ថិតនៅជិតគល់ស្ពានស្ទឹងមានជ័យ សង្កាត់ស្ទឹងមានជ័យ កាលពីម៉ោងប្រមាណ៧យប់ថ្ងៃទី១៤ ខែវិច្ឆិកា ឆ្នាំ២០១៧ ជាប់សង្ស័យពាក់ព័ន្ធនឹងការលួចផលិតព័ត៌មានបញ្ជូនទៅវិទ្យុអាស៊ីសេរី នៅរដ្ឋធានីវ៉ាស៊ីនតោន សហរដ្ឋអាមេរិក។ ការឃាត់ខ្លួននេះ គឺខណៈពេលដែលអាជ្ញាធរខណ្ឌមានជ័យ ចុះធ្វើរដ្ឋបាល។

លោកអួន ឈិន បានប្រាប់សមត្ថកិច្ចថា ខ្លួនជួលបន្ទប់នេះ សម្រាប់បើកជាស្ទីឌីយោ ច្រៀងខារ៉ាអូខេ ថតវីដេអូក្នុងពិធីអាពាហ៍ពិពាហ៍ ឬពិធីបុណ្យផ្សេងៗតែប៉ុណ្ណោះ៕

អត្ថបទ៖ សោភា