តើក្រុមណាខ្លះ នឹងអាចប៉ះគ្នាក្នុងពូល នៅ World Cup?

2017-11-16 14:21:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សហព័ន្ធកីឡាបាល់ទាត់អន្តរជាតិ FIFA បានចេញឈ្មោះក្រុមជម្រើសជាតិដែលស្ថិតក្នុង Pot ទាំង ៤ ហើយ ដោយបែងចែកទៅតាមចំណាត់ថ្នាក់ FIFA នៃក្រុមទាំងអស់ លើកលែងក្រុមម្ចាស់ផ្ទះ រុស្ស៊ី។

Pot ទាំង ៤ មានដូចខាងក្រោម៖

Pot ទី១៖ រុស្ស៊ី អាល្លឺម៉ង់ ប្រេស៊ីល ព័រទុយហ្គាល់ អាហ្សង់ទីន បែលហ្សិក ប៉ូឡូញ បារាំង
Pot ទី២៖ អេស្ប៉ាញ ប៉េរូ ស្វីស អង់គ្លេស កូឡុំប៊ី ម៉ិកស៊ីកូ អ៊ុយរុយហ្គាយ ក្រូអាត
Pot ទី៣៖ ដាណឺម៉ាក អ៊ីស្លង់ កូស្ដារីកា ស៊ុយអែត ទុយនេស៊ី អេហ្សីប សេណាហ្គាល់ អ៊ីរ៉ង់
Pot ទី៤៖ ស៊ែប នីហ្សេរីយ៉ា អូស្រ្ដាលី ជប៉ុន ម៉ារ៉ុក ប៉ាណាម៉ា កូរ៉េខាងត្បូង អារ៉ាប៊ីសាអូឌីត

ក្រុមដែលស្ថិតនៅក្នុង Pot ជាមួយគ្នា នឹងមិនត្រូវប៉ះគ្នានោះទេ ពេលចាប់ពូល បានន័យថា ក្នុងពូល១ មាន១ក្រុមមកពី Pot ទី១, ១ក្រុមមកពី Pot ទី២, ១ក្រុមមកពី Pot ទី៣ និង១ក្រុមទៀតមកពី Pot ទី៤។ ឧទាហរណ៍ជាក់ស្ដែង៖ រុស្ស៊ី នឹងមិនប៉ះក្រុម អាល្លឺម៉ង់ ប្រេស៊ីល ព័រទុយហ្គាល់ អាហ្សង់ទីន បែលហ្សិក ប៉ូឡូញ ឬ បារាំង ដែលស្ថិតក្នុង Pot ទី១ ជាមួយគ្នានោះទេ តែនឹងប៉ះក្រុម១ក្នុងចំណោមក្រុមទាំង ៨ ក្នុង Pot ទី២, ប៉ះក្រុម១ទៀតមកពី Pot ទី៣ និងប៉ះ១ក្រុមទៀត ដែលស្ថិតក្នុង Pot ទី៤។

ការចាប់ឆ្នោតនឹងធ្វើឡើងនៅថ្ងៃទី១ ខែធ្នូ ឆ្នាំ២០១៧។ ការប្រកួតពានរង្វាន់បាល់ទាត់ពិភពលោក នឹងចាប់ផ្ដើមពីថ្ងៃទី១៤ ខែមិថុនា ដល់ថ្ងៃទី១៥ កក្កដា ឆ្នាំ២០១៨។

តើប្រិយមិត្ត ចង់ឲ្យក្រុមណាខ្លះប៉ះគ្នាក្នុងពូល?