សល់ប៉ុន្មានថ្ងៃទៀត ផ្សារបោះដុំដ៏ធំរបស់ថៃ នឹងចាប់ដំណើរការនៅកម្ពុជាហើយ!

2017-11-16 23:59:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ផ្សារផ្គត់ផ្គង់ទំនិញបោះដុំរបស់ថៃឈ្មោះ Siam Makro នឹងចាប់ដំណើរការនៅអំឡុងខែធ្នូ ឆ្នាំ២០១៧ខាងមុខនេះហើយ បន្ទាប់ពីសាងសង់អស់រយៈពេល៦ខែ គិតចាប់តាំងពីចុងខែឧសភាកន្លងទៅ។

ផ្សារ Makro មានទីតាំងស្ថិតនៅលើផ្ទៃដីប្រមាណ ៥ហិកតា ក្នុងភូមិបាយ៉ាបសង្កាត់ភ្នំពេញថ្មី ខណ្ឌសែនសុខ ក្បែរផ្សារទំនើបអ៊ីអនទី២។

ផ្សារទំនើប Makro នៅប្រទេសថៃ

លោកស្រី ស៊ុឆាដា អគ្គនាយិកាក្រុមហ៊ុន ស៊ីយ៉ាមម៉ាក្រូ បានមានប្រសាសន៍ថា ស៊ីយ៉ាម ម៉ាក្រូ គឺជាមជ្ឈមណ្ឌលចែកចាយផលិតផលបែបបោះដុំ ដែលមានផ្តល់ជូនផលិតផលច្រើនប្រភេទ និងច្រើនជម្រើសទៅដល់សមាជិកអាជីពរបស់ខ្លួន ព្រមទាំងប្រតិបត្តិករអាជីវកម្មជាច្រើន រួមមាន ម្ចាស់ហាងលក់រាយ ហាងចែកចាយបន្ត សណ្ឋាគារ ភោជនីយដ្ឋាន អាជីវកម្មម្ហូបអាហារ និងអាជីវកម្មផ្នែកសេវាកម្មជាដើម។

ផ្សារទំនើប Makro នៅប្រទេសថៃ

សូមបញ្ជាក់ថា ផ្សារម៉ាក្រូខេមបូឌា គឺជាក្រុមហ៊ុន ដែលស្ថិតក្រោមការបណ្ដាក់ទុករួមគ្នា រវាងម៉ាក្រូថៃ និងដៃគូពាណិជ្ជកម្មក្នុងស្រុកជាមួយក្រុមហ៊ុន L.Y.P Group របស់អ្នកឧកញ៉ា លី យ៉ុង ផាត់៕

អត្ថបទ៖ ឈាង.