5T ស្មាតហ្វូនកំពូលដំបូងបង្អស់របស់ OnePlus គ្មានប៊ូតុង Home
- 2017-11-17 00:54:33
- ចំនួនមតិ 0 | ចំនួនចែករំលែក 0
5T ស្មាតហ្វូនកំពូលដំបូងបង្អស់របស់ OnePlus គ្មានប៊ូតុង Home
ចន្លោះមិនឃើញ
កាលពីយប់មិញ OnePlus 5T បានបង្ហាញវត្តមានជាផ្លូវការហើយ ដែលជាការផ្លាស់ប្ដូររូបរាងថ្មីប្លែក បើធៀបនឹងស្មាតហ្វូនកន្លងមករបស់ក្រុមហ៊ុនចិនមួយនេះ។
ខុសពី OnePlus 5 និងជំនាន់មុនៗ 5T ត្រូវបានរចនាឡើងជាលក្ខណៈអេក្រង់លាតសន្ធឹងគ្មានគែម (Bezel-less Display)។ ប៊ូតុង Home នៅខាងមុខ ត្រូវដកចេញ ហើយកន្លែងស្កេនក្រយៅដៃប្ដូរទៅខ្នងខាងក្រោយទូរសព្ទវិញ។ OnePlus 5T មានអេក្រង់ទំហំ ៦អ៊ីញ កម្រិត Resolution 1080 x 2160p និងវិមាត្រ 18:9។
កម្លាំងម៉ាស៊ីនមិនខុសពី OnePlus 5 នោះទេ ដោយស្មាតហ្វូនថ្មីនេះបានភ្ជាប់មកជាមួយបន្ទះឈីបស៊េរីខ្ពស់ Snapdragon 835 អមជាមួយ RAM 6GB/ 8GB (អាស្រ័យលើទំហំផ្ទុកទិន្នន័យ 64GB/ 128GB)។ ថាមពលថ្ម OnePlus 5T មានទំហំ 3300mAh ជាប្រភេទមិនអាចដោះដូរបាន។
កាមេរ៉ា២គ្រាប់នៅខាងក្រោយ មានទំហំ 16MP + 20MP (ប្រភេទ Low-light) អាចថតរូបច្បាស់នៅទីមិនសូវមានពន្លឺគ្រប់គ្រាន់។ ឯកាមេរ៉ាមុខវិញ ទំហំ 16MP f/2.0 អាចប្រើសម្រាប់ដោះសោទូរសព្ទបាន។
OnePlus 5T នឹងដាក់លក់ចាប់ពីថ្ងៃទី២១ ខែវិច្ឆិកា ឆ្នាំ២០១៧ ក្នុងតម្លៃ ៤៩៩ដុល្លារ សម្រាប់ទំហំផ្ទុកទិន្នន័យ 64GB និង ៥៥៩ដុល្លារ សម្រាប់ទំហំផ្ទុកទិន្នន័យ 128GB៕