ប្រជាជនកម្ពុជា ត្រូវបានអញ្ជើញឲ្យចូលរួមក្នុងកម្មវិធីប្រកួតរូបថតកសិកម្ម អាស៊ីអាគ្នេយ៍

2017-11-17 04:30:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រជាជនកម្ពុជា និងប្រជាជននៃប្រទេសទាំងអស់នៅតំបន់អាស៊ីអាគ្នេយ៍អាចចូលរួមកម្មវិធី ប្រកួតរូបថត SEARCA ឆ្នាំ២០១៧ ដែលនឹងផុតកំណត់ នៅថ្ងៃទី៣០ ខែវិច្ឆិកា ឆ្នាំ២០១៧ ខាងមុខនេះ។

កម្មវិធីនេះ ដោយមានការចាប់ផ្តើមរៀបចំដោយរដ្ឋាភិបាលហ្វ៊ីលីពីន ដែលជាម្ចាស់ផ្ទះនៃមជ្ឈមណ្ឌល តំបន់អាស៊ីអាគ្នេយ៍សម្រាប់ការសិក្សា និងស្រាវជ្រាវផ្នែកកសិកម្ម (SEARCA) កម្មវិធីប្រកួតរូបថត នៅឆ្នាំនេះមានប្រធានបទ «កសិកម្មសម្រាប់ទាំងអស់គ្នា ធ្វើឡើងដោយទាំងអស់គ្នា ដំណើរឆ្ពោះទៅមុខនៃវិស័យកសិកម្ម និងអភិវឌ្ឍន៍ជនបទនៅតំបន់អាស៊ីអាគ្នេយ៍»។

SEARCA បាននិយាយថា «ការប្រកួតនេះ មានគោលបំណង ដើម្បីរៀបចំរូបថតដែលមានភាពមមាញឹកជាមួយនឹងការច្នៃប្រឌិត អ្នកផ្លាស់ប្តូរថ្មី អ្នកចូលរួមដែលសកម្ម និងឧទ្ទិសដល់តំបន់អាស៊ីអាគ្នេយ៍ដែលត្រូវបានបង្កើតឡើងដើម្បីជីវភាពប្រសើរជាងមុននៅក្នុងវិស័យកសិកម្ម ដែលពួកគេបន្តស្វែងរក មិនថានៅតាមជនបទ ឬនៅទីក្រុងឡើយ»។

SEARCA បានប្រកាសថា អ្នកចង់ចូលរួមការប្រកួតប្រជែងនេះ ត្រូវផ្ញើរូបថតទៅក្នុងកម្មវិធីប្រកួតប្រជែង តាមរយៈប្រព័ន្ធអនឡាញ (http://photocontest.searca.org)។ ចំពោះបេក្ខជន ម្នាក់ៗអាចផ្ញើរូបថតបានច្រើន ប៉ុន្តែលុះត្រាតែរូបថតទាំងនោះមិនដែលត្រូវបានដាក់ចូលរួមការប្រកួត ប្រជែងរូបថតពីមុនៗមក ឬមិនដែលត្រូវបានបោះពុម្ពចេញផ្សាយណាមួយ។ ការចូលរួមប្រកួតប្រជែងនេះ មានតែរូបថតពណ៌ដើម ដែលមិនត្រូវបានកែច្នៃទេ ដែលនឹងត្រូវបានយកមកពិចារណា។