ទីបំផុត Zlatan នឹងអាចចូលលេងឲ្យ Man Utd វិញ នៅយប់នេះ

2017-11-18 01:50:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធ Zlatan Ibrahimovic នឹងវិលត្រឡប់ទៅជួយក្រុម Manchester United វិញ ដោយត្រូវបានលោក Jose Mourinho អ្នកចាត់ការទូទៅក្រុម ដាក់ចូលក្នុងបញ្ជីឈ្មោះកីឡាករដែលត្រៀមប៉ះក្រុម Newcastle United នៅវេលាម៉ោង ០០:៣០ នាទីរំលងអាធ្រាត្រ ឈានចូលថ្ងៃទី១៩ ខែវិច្ឆិកា ឆ្នាំ២០១៧។

Zlatan Ibrahimovic ហ្វឹកហាត់ជាមួយមិត្តរួមក្រុមត្រៀមប៉ះ Newcastle United

កីឡាករសញ្ជាតិស្វីសរូបនេះ មិនបានបង្ហាញខ្លួនក្នុងក្រុមបិសាចក្រហមអស់រយៈពេល ៧ខែមកហើយ ដោយសាររបួសជង្គង់ ពេលប៉ះក្រុម Anderlecht ក្នុងការប្រកួតពានរង្វាន់ UEFA Europa League កាលពីរដូវកាលមុន។ យ៉ាងណាមិញ គ្រូបង្វឹកលោក Mourinho បានបញ្ជាក់ក្នុងសន្និសីទកាសែតហើយថា កីឡាកររូបនេះ នឹងត្រូវដាក់ក្នុងបញ្ជីកីឡាករ ពេលប៉ះ Newcastle។

Ibrahimovic បានចូលហ្វឹកហាត់ជាមួយមិត្តរួមក្រុមវិញចំនួន ៣ថ្ងៃមកហើយ ដោយអ្នកចាត់ការសញ្ជាតិព័រទុយហ្គាល់ បានមើលឃើញថា រូបគេអាចលេងបាន តែជាកីឡាករបម្រុងប៉ុណ្ណោះ មិនទាន់អាចលេង ៩០នាទីបានទេ។

ជាមួយគ្នានេះ ខ្សែបម្រើ Paul Pogba និងខ្សែការពារ Marcos Rojo ដែលទើបជាសះស្បើយពីរបួស នឹងមានឈ្មោះក្នុងបញ្ជីកីឡាករសម្រាប់ការប្រកួតយប់នេះផងដែរ៕