ឥទ្ធិពលព្យុះទី២៥ ធ្វើឲ្យកម្ពុជា មានភ្លៀងធ្លាក់នៅទូទាំងប្រទេស
- 2017-11-19 06:54:09
- ចំនួនមតិ 0 | ចំនួនចែករំលែក 0
ឥទ្ធិពលព្យុះទី២៥ ធ្វើឲ្យកម្ពុជា មានភ្លៀងធ្លាក់នៅទូទាំងប្រទេស
ចន្លោះមិនឃើញ
ក្រសួងធនធានទឹក និងឧតុនិយម បានឲ្យដឹងថា ព្យុះទី២៥ ឈ្មោះ គីរ៉ូជី (KIROGI) បានថយឥទ្ធិពលទៅជាវិសម្ពាធ និងកំពុងស្ថិតនៅក្បែរឆ្នេរប្រទេសវៀតណាមភាគខាងត្បូង រួចបន្តដំណើរមកដល់តំបន់ដីសណ្តរទន្លេមេគង្គ។ ស្ថានភាពបែបនេះ នឹងធ្វើឲ្យកម្ពុជា មានភ្លៀងធ្លាក់រាយប៉ាយនៅទូទាំងប្រទេសចាប់ពីថ្ងៃទី ១៩ ដល់ ២០វិច្ឆិកា។ នេះបើតាមសេចក្តីជូនដំណឹងបន្ថែមរបស់ក្រសួងធនធានទឹក នៅថ្ងៃទី១៩វិច្ឆិកានេះ។
ក្រសួងធនធានទឹក ក៏បានអំពាវនាវឲ្យប្រជាពលរដ្ឋ ពិសេសប្រជានេសាទ និងអ្នកធ្វើដំណើរតាមសមុទ្រ បង្កើនការប្រុងប្រយ័ត្នខ្ពស់ ដើម្បីចៀសវាងនូវគ្រោះថ្នាក់ផ្សេងៗ ដែលអាចកើតឡើងជាយថាហេតុ៕