លោក ប្រាក់ សុខុន ចេញទៅមីយ៉ាន់ម៉ា តបតាមការអញ្ជើញរបស់លោកស្រី អ៊ុង សាន ស៊ូជី

2017-11-19 08:28:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅរសៀលថ្ងៃទី១៩ខែវិច្ឆិកានេះ លោកទេសរដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ បានដឹកនាំគណៈប្រតិភូអញ្ជើញទៅចូលរួមកិច្ចប្រជុំរដ្ឋមន្រ្តីការបរទេសអាស៊ី-អឺរ៉ុបលើកទី១៣ នៅប្រទេសមីយ៉ាន់ម៉ា តបតាមការអញ្ជើញរបស់លោកស្រី អ៊ុង សាន ស៊ូជី ទីប្រឹក្សារដ្ឋ និងជារដ្ឋមន្រ្តីក្រសួងការបរទេសមីយ៉ាន់ម៉ា។ កិច្ចប្រជុំនេះ ធ្វើឡើងពីថ្ងៃទី២០ ដល់ ២១ខែវិច្ឆិកា ២០១៧ នៅទីក្រុងណៃពិដោ។

រូបថត៖ ក្រសួងការបរទេស

ក្នុងឱកាសអញ្ជើញចូលរួមកិច្ចប្រជុំខាងលើនេះ លោក ប្រាក់ សុខុន នឹងចុះហត្ថលេខាជាមួយ លោក Kyaw Tin អនុរដ្ឋមន្រ្តីការបរទេសមីយ៉ាន់ម៉ា លើអនុស្សារណៈនៃការយោគយល់គ្នា ស្តីពីការប្រឹក្សានយោបាយ រវាងក្រសួងការបរទេសកម្ពុជា និងក្រសួងការបរទេសមីយ៉ាន់ម៉ា។

បន្ថែមពីនេះ លោក ប្រាក់ សុខុន ក៏នឹងជួបពិភាក្សាទ្វេភាគីផងដែរជាមួយ លោកស្រី អ៊ុង សាន ស៊ូជី លោក Wang Yi រដ្ឋមន្រ្តីការបរទេសចិន លោក Kazuyuki Nakane អនុរដ្ឋមន្រ្តីការបរទេសជប៉ុន និងប្រមុខគណៈប្រតិភូនៃប្រទេសមួយចំនួនទៀត៕

អត្ថបទ៖ សំភី