គណបក្សខ្មែរឈប់ក្រ បដិសេធមិនយកអាសនៈរបស់អតីតគណបក្សសង្គ្រោះជាតិឡើយ

2017-11-21 08:58:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណបក្សខ្មែរឈប់ក្រ បានបដិសេធមិនទទួលយកអាសនៈដែលបែងចែកពីអតីតគណបក្សសង្គ្រោះជាតិ នោះទេ។ ការមិនទទួលយកនេះ ដោយសារតែគណបក្សខ្មែរឈប់ក្រ បានប្រកាសមិនទទួលស្គាល់លទ្ធផលបោះឆ្នោតតាំងពីឆ្នាំ២០១៣ មកម៉្លេះ និងដោយសារតែប្រជាពលរដ្ឋម្ចាស់ឆ្នោតមិនបានបោះឆ្នោតឲ្យខ្លួន។

លោក ស៊ិន វណ្ណារិទ្ធ អ្នកនាំពាក្យគណបក្សខ្មែរឈប់ក្រ បានបញ្ជាក់ប្រាប់ខ្លីៗ នៅរសៀលថ្ងៃទី ២១ ខែវិច្ឆិកានេះថា គណបក្សខ្មែរឈប់ក្រ បានធ្វើលិខិតឆ្លើយតបទៅគណៈកម្មាធិការជាតិរៀបចំការបោះឆ្នោត (គ.ជ.ប) រួចហើយ នៅរសៀលថ្ងៃទី២១ ខែវិច្ឆិកានេះ ដោយបដិសេធមិនទទួលយកអាសនៈរបស់អតីតគណបក្សសង្គ្រោះជាតិ។

ក្រវ៉ាញ ដារ៉ន ប្រធានគណបក្សខ្មែរឈប់ក្រ (រូបភាព៖ RFA)

លោកបញ្ជាក់ថា «លោក ក្រវ៉ាញ ដារ៉ន ប្រធានគណបក្សខ្មែរឈប់ក្រ បានបដិសេធលទ្ធផលបោះឆ្នោតតាំងពីឆ្នាំ២០១៣ មកម៉្លេះ ហេតុនេះមិនទទួលយកអាសនៈដែលម្ចាស់ឆ្នោតមិនបានបោះឆ្នោតឲ្យនោះទេ»។

ការសម្រេចមិនទទួលយកអាសនៈរបស់អតីតគណបក្សសង្គ្រោះជាតិ គឺបន្ទាប់ពីគណបក្សខ្មែរឈប់ក្រ បានកោះប្រជុំគណៈកម្មការនាយករបស់ខ្លួន នៅថ្ងៃទី២១ ខែវិច្ឆិកា ឆ្នាំ២០១៧ នេះ៕

អត្ថបទ៖ សោភា