អតីតទីលានប្រជាធិបតេយ្យ នឹងត្រូវកែប្រែជាសួនច្បារទំនើប

2017-11-21 14:01:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក សុខ ពេញវុធ អភិបាលខណ្ឌដូនពេញ បានឲ្យដឹងថា អតីតទីលានប្រជាធិបតេយ្យ ដែលស្ថិតនៅជិតវត្តភ្នំ ក្នុងរាជធានីភ្នំពេញ នឹងត្រូវកែប្រែជាសួនច្បារទំនើបនាពេលខាងមុខ។

លោក សុខ ពេញវុធ បន្ថែមថា សួនច្បារទំនើបថ្មីនោះ លាតសន្ធឹងចាប់ពីអតីតបរិវេណទីលានប្រជាធិបតេយ្យ តាមសួនច្បារ រហូតដល់ផ្សារចាស់។ លោកថាសួនថ្មីនេះ នឹងមានកន្លែងកម្សាន្ដ ភ្លើងពណ៌ចម្រុះ ទឹកបាញ់ ហើយផ្នែកខាងក្រោមដី ក៏នឹងមានរៀបចំជាចំណតរថយន្ដ និងតំបន់មជ្ឈមណ្ឌលពាណិជ្ជកម្មនាពេលអនាគតខាងមុខនេះ។

ជាមួយនឹងការប្រែក្លាយទៅជាសួនច្បារទំនើបនេះ អាជ្ញាធរក៏នឹងកែសម្រួលផ្លូវនៅជុំវិញតំបន់អតីតទីលានប្រជាធិបតេយ្យ ឲ្យទៅជាផ្លូវយុទ្ធសាស្រ្ត ក្នុងការរំដោះការកកស្ទះចរាចរណ៍ពីផ្លូវព្រះមុន្នីវង្ស ផ្លូវសហព័ន្ធរុស្ស៊ី និងផ្លូវព្រះនរោត្តមផងដែរ។

សូមរំលឹកថា ទីលានប្រជាធិបតេយ្យនៅជិតវត្តភ្នំ ក្រោយស្ថានទូតអាមេរិក ត្រូវបានបង្កើតឡើង កាលពីឆ្នាំ២០១០។ នៅឆ្នាំ២០១៦ ទីលានប្រជាធិបតេយ្យ ត្រូវបានប្តូរទីតាំង ទៅធ្វើនៅសួនច្បារមាត់ទន្លេ តាមផ្លូវជាតិលេខ៥ មុខឃ្លាំងសាំង ក្នុងខណ្ឌឫស្សីកែវ រាជធានីភ្នំពេញ៕

អត្ថបទ៖ លីហៀង