Neymar ស៊ុត២គ្រាប់ ជួយ PSG បំបាក់ Celtic ៧-១
- 2017-11-22 22:56:58
- ចំនួនមតិ 0 | ចំនួនចែករំលែក 0
Neymar ស៊ុត២គ្រាប់ ជួយ PSG បំបាក់ Celtic ៧-១
ចន្លោះមិនឃើញ
ក្លឹប PSG បានលត់ Celtic យ៉ាងចាស់ដៃ ក្នុងលទ្ធផល ៧-១ នាកីឡដ្ឋាន Parc de Princes របស់ខ្លួន ទោះបីជាបានឈានទៅវគ្គ ១៦ក្រុម ពានរង្វាន់ UEFA Champions League ហើយក៏ដោយ។
ក្រុមភ្ញៀវបាននាំមុខមួយគ្រាប់មុន ពីការរកគ្រាប់បាល់របស់ Moussa Dembele តាំងពីនាទីដំបូង។ ប៉ុន្តែការនាំមុខនេះ បានធ្វើឲ្យ PSG ដាក់សម្ពាធទៅលើ Celtic កាន់តែខ្លាំងឡើង រហូតធ្វើឲ្យ Neymar អាចរកបាន ២គ្រាប់ នៅនាទី៩ និង២២ បន្ទាប់មក Cavani នៅនាទី២៨ និង Mbappe នៅនាទី៣៥។ ក្នុងតង់ទីពីរ ក្រុមម្ចាស់ផ្ទះ នៅតែបន្តបន្ថែមគ្រាប់បាល់លើក្រុមភ្ញៀវមកពីស្កុតឡែន ពី Veratti នៅនាទី៧៥។ ចំណែក Cavani រកបានគ្រាប់ទីពីររបស់ខ្លួន នៅនាទី៧៩ មុន Dani Alves រកគ្រាប់ទី៧ ឲ្យ PSG នៅនាទី៨០។
លទ្ធផលនេះ ធ្វើឲ្យ PSG មិនទាន់ស្គាល់ពាក្យថាចាញ់ឡើយ នៅក្នុងវគ្គសន្សំពិន្ទុ ពូល B ក្នុង ៥ប្រកួតកន្លងទៅ។ ក្នុងនោះ PSG ស៊ុតបញ្ចូលទីគូប្រកួតបាន ២៤គ្រាប់ ហើយរបូតត្រឹមតែ ១គ្រាប់ប៉ុណ្ណោះ៕