Muangthong លើកពានរង្វាន់ League Cup ថៃ ឆ្នាំ២០១៧

2017-11-23 01:09:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបាល់ទាត់ថៃ SCG Muangthong United បានយកឈ្នះក្លឹប Chaing Rai United ដែលមានគ្នាត្រឹម ១០នាក់ ដោយលទ្ធផល ២-០ នៅវគ្គផ្តាច់ព្រ័ត្រ ពានរង្វាន់ League Cup ថៃ កាលពីយប់មិញ នៅកីឡដ្ឋាន Supachalasai ។

ក្រុម SCG Muangthong United

Muangthong រកគ្រាប់បាល់បានពីកីឡាករ Peerapat Notechaiya ក្នុងនាទី៣៥ និងខ្សែប្រយុទ្ធ Teerasil Dangda នៅនាទី៦០ ដើម្បីក្លាយជាម្ចាស់ពានរង្វាន់ League Cup ថៃ ឆ្នាំ២០១៧។ ជ័យជម្នះនេះ គឺជាការសងសឹករបស់ Muangthong បន្ទាប់ពីប្រកួតចាញ់ Chaing Rai កាលពីវគ្គពាក់កណ្ដាលផ្តាច់ព្រ័ត្រ ពានរង្វាន់ FA Cup ថៃ នាពេលកន្លងទៅ។

ខ្សែប្រយុទ្ធ Teerasil Dangda អបអរក្រោយស៊ុតចូល

League Cup ជាពានរង្វាន់តែមួយគត់ដែល Muangthong បានឈ្នះនៅរដូវកាល២០១៧ នេះ បន្ទាប់ពីក្លឹប Buriram United បានលើកពានរង្វាន់លីគកំពូលថៃ កាលពីពេលថ្មីៗនេះ។

SCG Muangthong United លើកពានរង្វាន់ League Cup ថៃ ឆ្នាំ២០១៧

សូមបញ្ជាក់ថា Muangthong គឺជាជើងឯកលីគកំពូលថៃ រដូវកាល២០១៦ ដែលត្រូវបានសម្រេចដោយសហព័ន្ធកីឡាបាល់ទាត់ថៃ នៅពេលដែលការប្រកួតនៅសល់ត្រូវបានលុបចោល ដោយសារការសោយទិវង្គតនៃព្រះមហាក្សត្រថៃ ភូមិបុល អាឌុលយ៉ាដេត៕

ប្រភព៖ Bangkokpost ប្រែសម្រួល៖ លាភ.