អ្នកចាំទី CSKA Moscow ប្រើពេល១១ឆ្នាំ ទម្រាំរក Clean Sheet បានម្ដងនៅ UCL

2017-11-23 08:06:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទីបំផុត អ្នកចាំទីរបស់ក្លឹបបាល់ទាត់ CSKA Moscow កីឡាករ Igor Akinfeev បានធ្វើការរារាំង មិនឲ្យគូប្រកួតបំប៉ោងសំណាញ់ទីរបស់ខ្លួនបានជាលើកដំបូងក្នុងអាជីពជាអ្នកចាំទី សម្រាប់ការប្រកួតនៅព្រឹត្តិការណ៍ UEFA Champions League បន្ទាប់ពីរង់ចាំឱកាសនេះអស់រយៈពេល ១១ឆ្នាំ។

CSKA Moscow បានបិទមិនឲ្យក្រុម Benfica អាចរកគ្រាប់បាល់មកលើក្រុមខ្លួនបាន ក្នុងជំនួបដែលខ្លួនបានយកឈ្នះដោយលទ្ធផល ២-០ នៅវគ្គសន្សំពិន្ទុ ពូល A កាលពីយប់មិញ។

ក្នុង ៤៣ប្រកួតចុងក្រោយរបស់ខ្លួន អ្នកចាំទីសញ្ជាតិរុស្ស៊ី Igor Akinfeev បានធ្វើឲ្យរបូតគ្រាប់បាល់គ្រប់ការប្រកួត។ ក្រុមចុងក្រោយ ដែលមិនអាចទម្លុះរបាំងអ្នកចាំទី Akinfeev បានគឺ ក្រុមកាំភ្លើងធំ Arsenal ក្នុងការប្រកួតដែលបញ្ចប់ក្នុងលទ្ធផល ០-០ កាលពីថ្ងៃទី១ ខែវិច្ឆិកា ឆ្នាំ២០០៦៕

ប្រភព៖ BBC ប្រែសម្រួល៖ លាភ.