រុស្ស៊ី នឹងដំណើរការនាវាមុជទឹក១ ដែលអាចកម្ទេចទីក្រុងនៅចម្ងាយជិត ១ម៉ឺនគីឡូម៉ែត្រ

2017-11-26 07:07:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រុស្ស៊ី នឹងដាក់ឲ្យដំណើរការនូវនាវាមុជទឹក១គ្រឿង ឈ្មោះ Knyaz Vladimir សម្រាប់កងទ័ពជើងទឹក នៅឆ្នាំ២០១៨។ នាវានេះ អាចបំពាក់ក្បាលគ្រាប់នុយក្លេអ៊ែរ ២០គ្រាប់ និងអាចវាយប្រហារទីក្រុង១ ដែលស្ថិតនៅចម្ងាយពីវាជាង ៩៣០០គីឡូម៉ែត្របានទៀតផង។ វាអាចមុជក្រោមទឹកបានដល់ជម្រៅ ៤០០ម៉ែត្រ ដែលមិនអាចឲ្យសត្រូវ ចាប់សញ្ញាអង្កេតឃើញវាបានឡើយ។

នាវានេះជាប្រភេទ Borei class ដែលនឹងត្រូវផលិតចំនួន ៨គ្រឿងនៅត្រឹមឆ្នាំ២០២៥ ក្នុងនោះមាន ៥គ្រឿងមានឈ្មោះត្រកូល Vladimir។ ជាសរុប នាវាទាំង៨គ្រឿងនោះ អាចបំពាក់ក្បាលគ្រាប់នុយក្លេអ៊ែរពី ៩៦ ទៅ ២០០គ្រាប់ មានកម្លាំងប្រហែល ១០០ ទៅ ១៥០គីឡូតោន គឺខ្លាំងជាង ១០ដង នៃគ្រាប់បែកដែលទម្លាក់នៅទីក្រុងហ៊ូរ៉ូស៊ីម៉ា ប្រទេសជប៉ុន ក្នុងអំឡុងសង្គ្រាមលោកលើកទី២ ទៀតផង។

ដូច្នេះនៅពេលដែលនាវា Knyaz Vladimir ត្រូវបានដាក់ឲ្យប្រតិបត្តិការនោះ វានឹងក្លាយជានាវាមុជទឹកដែលអាចបំពាក់មីស៊ីលបាលីស្ទីកដ៏ទំនើបបំផុតរបស់រុស្ស៊ី និងថែមទាំងមានប្រៀបជាងនាវាមុជទឹកអាមេរិកប្រភេទ Ohio class ផងដែរ ព្រោះនាវាអាមេរិកនេះ អាចបាញ់បានចម្ងាយត្រឹម ៧៨០០គីឡូម៉ែត្រប៉ុណ្ណោះ។

នាវា ohio Class

មេបញ្ជាការកងទ័ពជើងទឹករុស្ស៊ី លោក Vladimir Korolyov បាននិយាយថា ការអភិវឌ្ឍនាវាមុជទឹកដ៏ទំនើបបែបនេះ គឺដើម្បីអាចបំពេញបេសកកម្មក្នុងកម្រិតខ្ពស់ នៅតំបន់ប៉ាស៊ីហ្វិក និងភាគខាងជើងរុស្ស៊ី៕

ប្រភព៖ Dailymail ប្រែសម្រួល៖ សំភី