អគ្គមេបញ្ជាការកងយោធពលខេមរភូមិន្ទប្រកាសប្តឹងលោក សម រង្ស៊ី

2017-12-06 12:15:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគ្គមេបញ្ជាការ នៃកងយោធពលខេមរភូមិន្ទ បានប្រកាសជាផ្លូវការប្តឹងលោក សម រង្ស៊ី អតីតប្រធានគណបក្សសង្គ្រោះជាតិ ទៅកាន់តុលាការពីបទញុះញង់ឲ្យកងទ័ពប្រឆាំងរាជរដ្ឋាភិបាលកម្ពុជា។ ការប្រកាសប្តឹងនេះ បានធ្វើឡើងនៅក្នុងសន្និសីទកាសែតកាលពីរសៀលថ្ងៃទី០៦ ខែធ្នូ ឆ្នាំ២០១៧ នៅអគ្គបញ្ជាការនៃកងយោធពលខេមរភូមិន្ទ។

នាយឧត្តមសេនីយ ប៉ុល សារឿន

ការប្រកាសប្តឹងនេះ គឺបន្ទាប់ពីលោក សម រង្ស៊ី បានសរសេរនៅក្នុងផេកហ្វេសប៊ុកកាលពីថ្ងៃទី៥ ខែធ្នូ ឆ្នាំ២០១៧ ថា «សូមកងកម្លាំងប្រដាប់អាវុធ ពលទាហាន និងនគរបាល កុំធ្វើតាមបញ្ជាពីមេដឹកនាំផ្តាច់ការ បើគេបញ្ជាឲ្យបាញ់ប្រហារ និងសម្លាប់ប្រជាពលរដ្ឋស្លូតត្រង់»។

នាយឧត្តមសេនីយ ប៉ុល សារឿន បានថ្លែងបានបញ្ជាក់ថា ចាប់តាំងពីថ្ងៃទី២-៥ ខែធ្នូ ឆ្នាំ២០១៧ លោកបានស្តាប់សម្តីរបស់លោក សម រង្ស៊ី ធ្វើការសម្ភាស និងបានប្រកាសឲ្យកងទ័ពប្រឆាំងជាមួយរាជរដ្ឋាភិបាល។

នាយឧត្តមសេនីយដដែលបានបន្តថា ការប្តឹងនេះ អាចធ្វើនៅរសៀលថ្ងៃទី០៦ ខែធ្នូ ឬនៅថ្ងៃទី០៧ ខែធ្នូ ឆ្នាំ២០១៧៕