ឆ្នាំនេះ Ronaldo កាក់កបក្នុងការស៊ុតបញ្ចូលទីនៅគ្រប់ការប្រកួត ក្នុងវគ្គសន្សំពិន្ទុ UCL
- 2017-12-07 01:03:25
- ចំនួនមតិ 0 | ចំនួនចែករំលែក 0
ឆ្នាំនេះ Ronaldo កាក់កបក្នុងការស៊ុតបញ្ចូលទីនៅគ្រប់ការប្រកួត ក្នុងវគ្គសន្សំពិន្ទុ UCL
ចន្លោះមិនឃើញ
Cristiano Ronaldo បានក្លាយជាកីឡាករបាល់ទាត់ដំបូងគេ ដែលអាចរកគ្រាប់បាល់បានរាល់ការប្រកួតក្នុងវគ្គសន្សំពិន្ទុ ពានរង្វាន់ UEFA Champions Leauge បន្ទាប់ពី Real Madrid យកឈ្នះ Borussia Dortmund ដោយលទ្ធផល ៣-២ នៅកីឡដ្ឋាន Bernabeu ក្នុងការប្រកួតចុងក្រោយ កាលពីយប់មិញ។
Ronaldo ជាអ្នករកគ្រាប់បាល់ទី២ ឲ្យ Real Madrid នៅនាទី ១២ បន្ទាប់ពី Borja Mayoral ធ្វើបានគ្រាប់ទីមួយនៅនាទី៨។ ប៉ុន្តែ Aubameyang ជាអ្នករកបាន ២គ្រាប់ឲ្យ Dortmund តាមស្មើ ក្នុងចុងតង់ទីមួយ និងដើមតង់ទីពីរ។ គ្រាប់បាល់ទី៣ របស់ Real កើតចេញពី Lucas Vazquez នៅនាទី៨១ ធ្វើឲ្យ Dortmund បានត្រឹមឈរលេខ៣ ក្នុងពូល H ធ្លាក់ទៅលេងពានរង្វាន់ Europa League ។
សូមបញ្ជាក់ថា Ronaldo រកបាន ៩គ្រាប់នៅក្នុង ៦ប្រកួតនៃវគ្គសន្សំពិន្ទុ។ ក្នុងនោះ ប្រកួតទី១ រកបាន ២គ្រាប់, ប្រកួតទី២ រកបាន ២គ្រាប់, ប្រកួតទី៣ រកបាន ១គ្រាប់, ប្រកួតទី៤ រកបាន ១គ្រាប់, ប្រកួតទី៥ រកបាន ២គ្រាប់ និងប្រកួតទី៦ រកបាន ១គ្រាប់។ ដូច្នេះ កីឡាករសញ្ជាតិព័រទុយហ្គាល់រូបនេះ កំពុងនាំមុខក្នុងតារាងស៊ុតបញ្ចូលបានច្រើនជាងគេ តាមពីក្រោយដោយ Harry Kane (Spurs), Roberto Firmino (Liverpool), Edinson Cavani (PSG) និង Wissam Ben Yadder (Sevilla) ដែលមានម្នាក់ ៦គ្រាប់៕
វីដេអូរវាងក្រុម Real Madrid និង Dortmund កាលពីយប់មិញ