អនុប្រធាន-សមាជិក គ.ជ.ប ៣រូប និងសមាជិកសភាថ្មី១៦រូប ត្រូវបានប្រកាសសុពលភាពហើយ

2017-12-07 01:29:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅក្នុងសម័យប្រជុំរដ្ឋសភាពេញអង្គនៅព្រឹកថ្ងៃទី៧ ខែធ្នូនេះ រដ្ឋសភាបោះឆ្នោតផ្តល់សេចក្តីទុកចិត្តដល់បេក្ខជនអនុប្រធាន និងសមាជិក គ.ជ.ប ចំនួន៣រូប គឺលោក នុត សុខុម កូតាមកពីគណបក្សហ៊្វុនស៊ិនប៉ិច លោក ហែល សារ៉ាត់ កូតាមកពីគណបក្សសញ្ជាតិកម្ពុជា និងលោក ឌឹម សុវណ្ណារុំ (ជាបេក្ខជនសេរី)។ រដ្ឋសភា ក៏បានប្រកាសសុពលភាពសមាជិករដ្ឋសភាថ្មីទាំង១៦រូប និងបោះឆ្នោតជ្រើសតាំងលោក យូ ហុកគ្រី ជាអនុប្រធានទី១ នៃរដ្ឋសភា និងការបោះឆ្នោតជ្រើសតាំងបំពេញបន្ថែមសមាជិកគណៈកម្មការនានានៃរដ្ឋសភា។

អនុប្រធាន និងសមាជិក គ.ជ.ប ចំនួន៣រូប និងតំណាងរាស្ត្រថ្មីចំនួន១៦រូប ត្រូវចូលស្បថនៅក្នុងព្រះបរមរាជវាំងនៅព្រឹកថ្ងៃទី៧ ខែធ្នូនេះ។

អនុប្រធាន និងសមាជិក គ.ជ.ប ថ្មី

តំណាងរាស្ត្រដែលជាប់ឆ្នោតថ្មី ដែល គ.ជ.ប ផ្ញើមករដ្ឋសភាមានចំនួន ១៦រូប ដោយក្នុងនោះមាន ១១រូប អ្នកដែលត្រូវទទួលការបែងចែកអាសនៈពី គ.ជ.ប និងមានតំណាងរាស្ត្រចំនួន ០៤រូប បានសុំលាលែង (ខាងគណបក្សប្រជាជនកម្ពុជា) ដោយត្រូវបានទទួលភារកិច្ចថ្មីឲ្យឈរឈ្មោះជាសមាជិកព្រឹទ្ធសភា ក្នុងនោះមាន៖ លោក ម៉ុម ជឹមហ៊ុយ លោក ហែម ខន លោក អាយ ខន និង លោក សុខ ឥសាន។ តំណាងរាស្ត្រថ្មីដែលទើបតែស្បថនៅក្នុងព្រះបរមរាជវាំង ក៏បានសុំលាលែងម្នាក់ដែរ ដែលគណបក្សហ៊្វុនស៊ិនប៉ិច បានស្នើឲ្យទៅជាអនុប្រធាន គ.ជ.ប គឺលោក នុត សុខុម៕