មេធាវីកងយោធពលខេមរភូមិន្ទ ដាក់ពាក្យប្តឹងលោក សម រង្ស៊ី

2017-12-07 06:11:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក វង្ស ភក្តី មេធាវីការពារសិទ្ធិ និងតំណាងឲ្យអគ្គបញ្ជាការដ្ឋាននៃកងយោធពលខេមរភូមិន្ទ បានដាក់ពាក្យបណ្តឹងទៅសាលាដំបូងរាជធានីភ្នំពេញ កាលពីថ្ងៃទី៦ ខែធ្នូ ដើម្បីប្តឹងលោក សម រង្ស៊ី ពីបទពាក់ព័ន្ធនឹងអំពើញុះញង់កុំឲ្យយោធិនស្តាប់បង្គាប់ថ្នាក់ដឹកនាំស្របច្បាប់ ធ្វើឲ្យខូចចិត្តកងទ័ព និងប្រមាថថ្នាក់ដឹកនាំកងយោធពលខេមរភូមិន្ទ។

លោក សម រង្ស៊ី កាលនៅក្នុងប្រទេសកម្ពុជា

ការដាក់ពាក្យបណ្តឹងនេះ យោងទៅលើ៖

ខ្សែអាត់សំឡេងវីដេអូនៅក្នុងវីស៊ីឌី ចំនួន ០១
រូបភាពផ្តិតចេញពីគណនីហ្វេសប៊ុកឈ្មោះ សម រង្ស៊ី (Sam Rainsy)
លិខិតប្រគល់សិទ្ធិតំណាងដោយអាណត្តិចុះថ្ងៃទី៦ ខែធ្នូ ឆ្នាំ២០១៧។

ការដាក់បណ្តឹងនេះ ធ្វើឡើងក្រោយលោកនាយឧត្តមសេនីយ៍ ប៉ុល សារឿន អគ្គមេបញ្ជាការនៃកងយោធពលខេមរភូមិន្ទ បានប្រកាសជាផ្លូវការប្តឹងលោក សម រង្ស៊ី ទៅកាន់តុលាការពីបទញុះញង់ឲ្យកងទ័ពប្រឆាំងរាជរដ្ឋាភិបាលកម្ពុជា ដោយលោក សម រង្ស៊ី បានបង្ហោះនៅលើហ្វេសប៊ុកយ៉ាងដូច្នេះ «សូមកងកម្លាំងប្រដាប់អាវុធ ពលទាហាន និងនគរបាល កុំធ្វើតាមបញ្ជាពីមេដឹកនាំផ្តាច់ការ បើគេបញ្ជាឲ្យបាញ់ប្រហារ និងសម្លាប់ប្រជាពលរដ្ឋស្លូតត្រង់»៕