សម្តេច ទៀ បាញ់ បញ្ជាក់ពីការប្រារព្ធទិវាជនពិការកម្ពុជា និងអន្តរជាតិ
- 2017-12-07 09:48:16
- ចំនួនមតិ 0 | ចំនួនចែករំលែក 0
សម្តេច ទៀ បាញ់ បញ្ជាក់ពីការប្រារព្ធទិវាជនពិការកម្ពុជា និងអន្តរជាតិ
ចន្លោះមិនឃើញ
សម្តេចពិជ័យសេនា ទៀ បាញ់ រដ្ឋមន្រ្តីក្រសួងការពារជាតិ បានមានប្រសាសន៍ថា ទិវាជនពិការអន្តរជាតិ ត្រូវបានប្រារព្ធឡើង ដើម្បីរំលឹកអំពីការតស៊ូទាមទារសិទ្ធិចូលរួមក្នុងសង្គមរបស់ជនពិការ ដែលជាជនបាត់បង់កាយសម្បទា កាយវិញ្ញាណ និងសតិបញ្ញា ប្រមាណជាង ១ពាន់លាននាក់នៅក្នុងពិភពលោក។ ការលើកឡើងនេះ ក្នុងពិធីអបអរសាទរទិវាជនពិការកម្ពុជាលើកទី១៩ និងទិវាជនពិការអន្តរជាតិលើកទី៣៥ ដែលបានប្រារព្ធឡើង នៅព្រឹកថ្ងៃទី៧ ខែធ្នូ ឆ្នាំ២០១៧ នៅសាលមហោស្រពកោះពេជ្រ។
សម្តេច ទៀ បាញ់ បន្តថា ដោយឡែកកម្ពុជាប្រារព្ធទិវាជនពិការនេះឡើង ដើម្បីរំលឹកអំពីមហាវិនាសកម្ម នៃរបបប្រល័យពូជសាសន៍ ប៉ុល ពត ដែលបានបន្សល់ទុកនូវផលវិបាកជាច្រើន ក្នុងនោះរួមមាន ស្រ្តីមេម៉ាយ កុមារកំព្រា ជនពិការ ព្រមទាំងគ្រាប់មីន និងកាកសំណល់ជាតិផ្ទុះសល់ពីសង្គ្រាម។
រដ្ឋមន្រ្តីរូបនេះ ឲ្យដឹងថា បច្ចុប្បន្នកម្ពុជាមានសិស្សពិការគ្រប់ប្រភេទ សរុបចំនួន ២២១៣៣នាក់ ដែលកំពុងរៀននៅគ្រប់កម្រិតសិក្សា ដោយមិនមានការរើងអើង។ ក្រៅពីនេះ សិស្សពិការភ្នែក និងគ-ថ្លង់ ចំនួន ១៤៣៣នាក់ កំពុងសិក្សានៅថ្នាក់អប់រំពិសេស ថ្នាក់សមាហរណកម្ម ថ្នាក់អប់រំមូលដ្ឋាន ថ្នាក់អប់រំក្រៅប្រព័ន្ធនៃកម្មវិធីអភិវឌ្ឍ មនុស្សគ-ថ្លង់ របស់អង្គការគ្រួសារថ្មី៕