កូរ៉េខាងជើង៖ សង្គ្រាមនុយក្លេអ៊ែរ ជារឿងដែលជៀសមិនផុតទេ
- 2017-12-08 01:38:16
- ចំនួនមតិ 0 | ចំនួនចែករំលែក 0
កូរ៉េខាងជើង៖ សង្គ្រាមនុយក្លេអ៊ែរ ជារឿងដែលជៀសមិនផុតទេ
ចន្លោះមិនឃើញ
សង្គ្រាមនុយក្លេអ៊ែរនៅឧបទ្វីបកូរ៉េ នឹងកើតមានជាក់ជាមិនខាន ព្រោះតែការគំរាមកំហែងដែលបង្កឡើងដោយសមយុទ្ធរវាងអាមេរិក និងកូរ៉េខាងត្បូង។ នេះជាការលើកឡើងរបស់ក្រសួងការបរទេសកូរ៉េខាងជើង។
ក្រសួងការបរទេសកូរ៉េខាងជើង រៀបរាប់ថា សមយុទ្ធយោធានេះ មានការចូលរួមពីទាហានកូរ៉េខាងត្បូងរាប់រយនាក់ និងយន្តហោះចម្បាំងរបស់សហរដ្ឋអាមេរិក ដែលវានឹងធ្វើឲ្យសង្គ្រាមក្លាយជារឿងជៀសមិនផុតឡើយ។ កូរ៉េខាងជើង បានឲ្យដឹងទៀតថា៖ "សំនួរដែលសេសសល់គឺ សង្គ្រាមនឹងផ្ទុះមាននៅពេលណា? យើងមិនចង់បានសង្គ្រាមនោះទេ ប៉ុន្តែក៏មិនគួរលាក់បាំងវាទៀតដែរ"។
ទាក់ទិននឹងបញ្ហានេះ ប្រទេសចិន ដែលជាសម្ព័ន្ធមិត្តរបស់កូរ៉េខាងជើង បានស្នើសុំឲ្យមានការស្ងប់ស្ងាត់សិន ដោយបញ្ជាក់ថា សង្គ្រាមមិនមែនជាដំណោះស្រាយឡើយ។ ដោយឡែក រុស្ស៊ីវិញ និយាយថា កូរ៉េខាងជើងចង់បានការចរចាផ្ទាល់ជាមួយអាមេរិក ដើម្បីធានាបាននូវសុវត្ថិភាពផ្ទាល់ខ្លួន។ រុស្ស៊ី បញ្ជាក់បន្តថា ខ្លួននឹងធ្វើជាអ្នកសម្របសម្រួល ប្រសិនជាភាគីចង់បានការចរចាប្រាកដមែន៕