Mourinho បន្ទោសអាជ្ញាកណ្តាល ដែលធ្វើឲ្យ Man Utd មិនអាចតាមស្មើ Man City
- 2017-12-11 01:37:19
- ចំនួនមតិ 0 | ចំនួនចែករំលែក 0
Mourinho បន្ទោសអាជ្ញាកណ្តាល ដែលធ្វើឲ្យ Man Utd មិនអាចតាមស្មើ Man City
ចន្លោះមិនឃើញ
អ្នកចាត់ការក្លឹប Manchester United លោក Jose Mourinho បានបញ្ចេញប្រតិកម្មចំពោះអាជ្ញាកណ្តាល ដែលមិនព្រមឲ្យបាល់ប៉េណាល់ទី មកក្រុមខ្លួន ជាហេតុធ្វើឲ្យក្រុមម្ចាស់ផ្ទះនេះ មិនអាចតាមស្មើ ក្រុមភ្ញៀវ Manchester City បាន។
កាលពីយប់មិញ បិសាចក្រហម Man Utd បានប្រកួតចាញ់ក្រុមមេឃខៀវ Man City ដោយលទ្ធផល ១-២ ក្នុងក្របខណ្ឌ Premier League។ ២គ្រាប់របស់ Man City ធ្វើបាននៅនាទី ៤៣ ដោយ Silva និង Otamendi នាទី៥៤។ ចំណែក១គ្រាប់របស់ Man Utd ធ្វើបានដោយ Rashford នៅនាទី ៤៥+២។
ចូលដល់នាទី៧៩ លោក Mourinho បានមើលឃើញកំហុសកីឡាករ Otamendi របស់ Man City ដែលបានប្រព្រឹត្តទៅលើ Ander Herrera នៅក្នុងតំបន់គ្រោះថ្នាក់ តែមិនត្រូវបានអាជ្ញាកណ្តាលផ្តល់បាល់ពិន័យឲ្យនោះឡើយ។
លោក Mourinho បានបង្ហាញការសោកស្តាយចំពោះលោកអាជ្ញាកណ្តាល Michael Oliver ដោយចោទថា បានសាងកំហុសដ៏ធំមួយ។ លោកអះអាងថា ប្រសិនបើក្រុមលោក បានបាល់ពិន័យនេះ នោះនឹងអាចតាមស្មើ Man City ២-២ ជាក់ជាមិនខាន។
លទ្ធផលនេះ បានធ្វើឲ្យ Man City មានពិន្ទុនាំមុខក្នុងតារាងកាន់តែដាច់ឆ្ងាយ ដោយមាន ៤៦ពិន្ទុ លើស Man Utd ដល់ ១១ពិន្ទុ។
លទ្ធផលគូផ្សេងទៀតរួមមាន៖
Southampton ១-១ Arsenal
Liverpool ១-១ Everton៕