រដ្ឋមន្រ្តីកសិកម្ម ស្នើឲ្យអាជ្ញាធរខេត្តកំពង់ចាម ទប់ស្កាត់ចលនាបក្សី នៅតំបន់ផ្ទុះផ្តាសាយបក្សី

2017-12-11 07:55:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានស្នើឲ្យគណៈកម្មការចម្រុះខេត្តកំពង់ចាម ទប់ស្កាត់ចលនាបក្សី ចេញពីភូមិកោះស្វាយ ឃុំត្រពាំងព្រះ ស្រុកព្រៃឈរ ខេត្តកំពង់ចាម ជាបណ្តោះអាសន្ន ដើម្បីទប់ស្កាត់ការឆ្លងរាលដាលជំងឺផ្តាសាយបក្សី។

លោក វេង សាខុន ក្នុងកិច្ចប្រជុំ១ កាលពីថ្ងៃទី៧ ខែធ្នូ (រូបថត៖ Facebook)

លោកវេង សាខុន បានបញ្ជាក់ថា តាមលទ្ធផលវិភាគរបស់វិទ្យាស្ថានជាតិស្រាវជ្រាវសុខភាពសត្វ និងផលិតកម្មសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ ដែលបានធ្វើការវិភាគរកមេរោគផ្តាសាយបក្សីលើសំណាកសត្វមាន់ចំនួន២ក្បាល ពីភូមិនោះ គឺបានរកឃើញវត្តមានជំងឺផ្តាសាយបក្សីដោយវីរុសក្នុងអនុក្រុម A1 (H5N1)។

ហេតុនេះ លោកស្នើឲ្យអាជ្ញាធរខេត្តកំពង់ចាម ផ្តល់កិច្ចសហការក្នុងការអនុវត្តវិធានបច្ចេកទេសរបស់មន្ត្រីជំនាញមានសមត្ថកិច្ចក្នុងការពង្រឹងការទប់ស្កាត់ចលនាបក្សី និងផលិតផលមានដើមកំណើតពីបក្សីជាបណ្តោះអាសន្នចេញពីតំបន់ផ្ទុះជំងឺឆ្លងខាងលើក្នុងរង្វង់កាំ ៣គីឡូម៉ែត្រ៕