Rooney ស៊ុតគ្រាប់ទី៧ ក្នុង៨ប្រកួតឲ្យ Everton យកឈ្នះ Newcastle

2017-12-14 01:20:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Wayne Rooney បានស៊ុតបញ្ចូលទីទៅលើក្រុម Newcastle United បានចំនួន ១៥គ្រាប់ហើយ ក្នុងអាជីពរបស់ខ្លួន បន្ទាប់ពីទាត់បញ្ចូលទីគ្រាប់ជ័យជម្នះឲ្យ Everton កាលពីយប់មិញ ដោយលទ្ធផល ០-១ ។ តួលេខនេះ រាប់បញ្ចូលទាំងពេលដែល Rooney លេងនៅក្រុម Manchester United ផងដែរ។

Rooney បានរកគ្រាប់បាល់ឲ្យក្រុមស្ករគ្រាប់ Everton នៅនាទី២៧ ទៅលើក្រុមសារីកាព្រៃ Newcastle ក្នុងការប្រកួតសប្ដាហ៍ទី១៧ យប់មិញ។

១៥គ្រាប់របស់ប្រធានក្រុម Everton ខាងលើ បានធ្វើឲ្យរូបគេជាកីឡាករដែលស៊ុតបញ្ចូលទីទៅលើ Newcastle បានច្រើនគ្រាប់ជាងការស៊ុតទៅលើក្រុមណាៗទាំងអស់។ ជាមួយគ្នានេះ Rooney រកបានចំនួន ៧គ្រាប់ ក្នុងការបង្ហាញខ្លួន ៨លើកចុងក្រោយឲ្យ Everton.។

ជ័យជម្នះយប់មិញ ធ្វើឲ្យ Everton មាន ២២ពិន្ទុ ស្មើក្រុមលេខ៩ Watford ខណៈ Newcastle ឈរលើតំបន់ត្រូវកាត់ចោល តែ១ពិន្ទុប៉ុណ្ណោះ។ មុនការចូលមកដឹកនាំរបស់លោក Sam Allardyce កាលពីខែវិច្ឆិកាកន្លងទៅ ក្រុមស្ករគ្រាប់ Everton បានរបូតគ្រាប់បាល់ចំនួន ២៨គ្រាប់ តែ ៤ប្រកួតកន្លងទៅ ពួកគេទើបតែរបូត១គ្រាប់ប៉ុណ្ណោះ ក្រោមការដឹកនាំរបស់គ្រូបង្វឹកថ្មី៕