ស្ថាប័នសារព័ត៌មានអសកម្មជាង ២៧០ នឹងត្រូវលុបឈ្មោះចេញពីបញ្ជីក្រសួងព័ត៌មាន
- 2017-12-15 07:42:55
- ចំនួនមតិ 0 | ចំនួនចែករំលែក 0
ស្ថាប័នសារព័ត៌មានអសកម្មជាង ២៧០ នឹងត្រូវលុបឈ្មោះចេញពីបញ្ជីក្រសួងព័ត៌មាន
ចន្លោះមិនឃើញ
លោក ផុស សុវណ្ណ អគ្គនាយកនៃអគ្គនាយកដ្ឋានព័ត៌មាន និងសោតទស្សន៍នៃក្រសួងព័ត៌មាន ប្រកាសថាលោកបានដាក់លិខិតស្នើសុំរដ្ឋមន្ត្រីក្រសួងព័ត៌មាន ឲ្យលុបឈ្មោះស្ថាប័នសារព័ត៌មានអសកម្មសរុប ២៧៥ ចេញបញ្ជីស្របច្បាប់។ លោកថ្លែងបែបនេះនៅចំពោះមុខអ្នកសារព័ត៌មានក្នុងសិក្ខាសាលាពិគ្រោះយោបល់ ស្តីពី "សន្តិភាព សុវត្ថិភាពប្រព័ន្ធផ្សព្វផ្សាយនៅកម្ពុជា នាព្រឹកថ្ងៃទី១៥ ខែធ្នូ ឆ្នាំ២០១៧ នៅភោជនីយដ្ឋានទន្លេបាសាក់២ ក្នុងរាជធានីភ្នំពេញ។
លោក ផុស សុវណ្ណ បញ្ជាក់ថា៖ «យើងលុបតែសារព័ត៌មានណាដែលមិនធ្វើសកម្មភាពសោះ មិនមកបន្តអាជ្ញាប័ណ្ណ មិនចេញផ្សាយអីតែប៉ុណ្ណោះ មិនមែនបិទអង្គភាពដែលមានសកម្មភាពនោះទេ។ សារព័ត៌មានដែលត្រូវលុបឈ្មោះចេញនោះមានដូចជា កាសែត ទស្សនាវដ្ដី ជាដើម តែមិនមានវិទ្យុទេ»។
ការស្នើសុំលុបឈ្មោះសារពត៌មាននេះ កំពុងរង់ចាំការអនុម័តពីរដ្ឋមន្ត្រីក្រសួងព័ត៌មាន ដោយអាចនឹងសម្រេចជាផ្លូវការនៅឆ្នាំ ២០១៨។ លោក បន្ថែម។
គួរជម្រាបថា មកទល់បច្ចុប្បន្ន នៅកម្ពុជា មានទូរទស្សន៍ វិទ្យុ កាសែត និងវិបសាយសារព័ត៌មាន TV Online ជិត ១ពាន់អង្គភាព៕
អត្ថបទទាក់ទង៖