ក្រសួងព័ត៌មាន លុបឈ្មោះអង្គភាពកាសែតជាង ៣០០ ហើយ

2017-12-18 04:49:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ខៀវ កាញារីទ្ធ រដ្ឋមន្ត្រីក្រសួងព័ត៌មានបានបញ្ជាក់នៅព្រឹកថ្ងៃទី១៨ ខែធ្នូ នេះថា ក្រសួងបានលុបឈ្មោះអង្គភាពកាសែតដែលហួសសុពលភាព និងមិនដែលចេញផ្សាយចំនួន ៣៣០អង្គភាព។ លោកបានបន្ថែមទៀតថា ចំពោះអង្គភាពកាសែតដែលនៅបន្តសកម្មភាពមានចំនួន ៣៨៨ ទស្សនាវដ្តី ចំនួន២០៧ និងព្រឹត្តបត្រចំនួន២៥។

លោក ខៀវ កាញារីទ្ធ ថ្លែងទៅកាន់អ្នកកាសែតនាពេលកន្លងមក

គួររំលឹកថា លោក ផុស សុវណ្ណ អគ្គនាយកនៃអគ្គនាយកដ្ឋានព័ត៌មាន និងសោតទស្សន៍នៃក្រសួងព័ត៌មាន ប្រកាសថាកាលពីថ្ងៃទី១៥ ខែធ្នូ ថាលោកបានដាក់លិខិតស្នើសុំរដ្ឋមន្ត្រីក្រសួងព័ត៌មាន ឲ្យលុបឈ្មោះស្ថាប័នសារព័ត៌មានអសកម្មសរុប ២៧៥ ចេញបញ្ជីស្របច្បាប់។

លោក ផុស សុវណ្ណ បញ្ជាក់ថា៖ «យើងលុបតែសារព័ត៌មានណាដែលមិនធ្វើសកម្មភាពសោះ មិនមកបន្តអាជ្ញាប័ណ្ណ មិនចេញផ្សាយអីតែប៉ុណ្ណោះ មិនមែនបិទអង្គភាពដែលមានសកម្មភាពនោះទេ។ សារព័ត៌មានដែលត្រូវលុបឈ្មោះចេញនោះមានដូចជា កាសែត ទស្សនាវដ្ដី ជាដើម តែមិនមានវិទ្យុទេ»៕

អត្ថបទ៖ សោភា