ក្រសួងព័ត៌មាន លុបឈ្មោះអង្គភាពកាសែតជាង ៣០០ ហើយ
- 2017-12-18 04:49:14
- ចំនួនមតិ 0 | ចំនួនចែករំលែក 0
ក្រសួងព័ត៌មាន លុបឈ្មោះអង្គភាពកាសែតជាង ៣០០ ហើយ
ចន្លោះមិនឃើញ
លោក ខៀវ កាញារីទ្ធ រដ្ឋមន្ត្រីក្រសួងព័ត៌មានបានបញ្ជាក់នៅព្រឹកថ្ងៃទី១៨ ខែធ្នូ នេះថា ក្រសួងបានលុបឈ្មោះអង្គភាពកាសែតដែលហួសសុពលភាព និងមិនដែលចេញផ្សាយចំនួន ៣៣០អង្គភាព។ លោកបានបន្ថែមទៀតថា ចំពោះអង្គភាពកាសែតដែលនៅបន្តសកម្មភាពមានចំនួន ៣៨៨ ទស្សនាវដ្តី ចំនួន២០៧ និងព្រឹត្តបត្រចំនួន២៥។
លោក ផុស សុវណ្ណ បញ្ជាក់ថា៖ «យើងលុបតែសារព័ត៌មានណាដែលមិនធ្វើសកម្មភាពសោះ មិនមកបន្តអាជ្ញាប័ណ្ណ មិនចេញផ្សាយអីតែប៉ុណ្ណោះ មិនមែនបិទអង្គភាពដែលមានសកម្មភាពនោះទេ។ សារព័ត៌មានដែលត្រូវលុបឈ្មោះចេញនោះមានដូចជា កាសែត ទស្សនាវដ្ដី ជាដើម តែមិនមានវិទ្យុទេ»៕