តារាសិចល្បី៣រូបរបស់ជប៉ុន ចាប់ដៃគ្នាបង្កើតជាក្រុមចម្រៀង K-Pop
- 2018-03-01 06:55:46
- ចំនួនមតិ 0 | ចំនួនចែករំលែក 0
តារាសិចល្បី៣រូបរបស់ជប៉ុន ចាប់ដៃគ្នាបង្កើតជាក្រុមចម្រៀង K-Pop
ចន្លោះមិនឃើញ
Honey Popcorn ជាក្រុមចម្រៀងដែលទើបលេចចេញពន្លកថ្មីនៅក្នុងវិស័យតន្ត្រីកូរ៉េខាងត្បូង (K-Pop)។ ថ្វីត្បិតតែមិនទាន់ចេញបទចម្រៀងជាផ្លូវការ ក្រុមចម្រៀងស្រីគ្នា៣នាក់នេះទទួលបានចាប់អារម្មណ៍ជាច្រើនបាត់ទៅហើយ ដោយសារតែប្រវត្តិអាជីពរបស់ពួកគេមុនពេលប្រឡូកចូល K-Pop។
យោងតាមការចុះផ្សាយរបស់សារព័ត៌មាន Koreaboo បានឲ្យដឹងថា សមាជិកនៅក្នុង Honey Popcorn មានដូចជា Yua Mikami, Miko និង Sakura ហើយពួកគេសុទ្ធតែធ្លាប់ធ្វើជាតួក្ដៅសាច់របស់ជប៉ុន។ Yua Mikami ត្រូវគេចាត់ទុកជាតារាអាសអាភាសដំបូងគេ ដែលអាចប្រែខ្លួនទៅជាតារា K-Pop បាន។ តារាស្រីរូបនេះបានប្រឡូកចូលក្នុងវិស័យភាពយន្ត 18+ ចាប់តាំងពីឆ្នាំ២០១៦។
ដោយឡែកតារាស្រី២រូបទៀតគឺ Miko និង Sakura ក៏បានប្រកាសកាលពីពេលថ្មីៗនេះថា ពួកគេធ្លាប់ប្រឡូកក្នុងវិស័យក្ដៅសាច់របស់ជប៉ុនផងដែរ។ ប្រវត្តិពីមុនរបស់ Miko និង Sakura គឺធ្លាប់ធ្វើជាអ្នកចម្រៀងជប៉ុន J-Pop និងតួនៅក្នុងរឿងអាសអាភាស។
បើទោះជាធ្លាប់មានអតីតកាលយ៉ាងនេះ ពួកគេនឹងអាចប្រែក្លាយមុខមាត់ថ្មីនៅលើវិថីសិល្បៈ K-Pop នាពេលឆាប់ៗខាងមុខ។ អាល់ប៊ុមចម្រៀងដំបូងរបស់ Honey Popcorn នឹងចេញជាផ្លូវការនៅថ្ងៃទី១៤ ខែកុម្ភៈ ឆ្នាំ២០១៨៕