ប្រធានាធិបតីស៊ីរី ទៅជួបលោក ពូទីន នៅក្រុង Sochi

2018-05-18 02:41:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Bashar Assad ប្រធានាធិបតីស៊ីរី បានទៅជួបពិភាក្សាជាមួយលោក វ៉ា្លឌីមៀ ពូទីន ប្រធានាធិបតីរុស្ស៊ី នៅក្រុង Sochi នៅថ្ងៃទី១៧ ខែឧសភា ២០១៨ ម្សិលមិញ។ នេះបើតាមការបញ្ជាក់របស់លោក Dmitry Peskov អ្នកនាំពាក្យប្រធានាធិបតីរុស្ស៊ី។

លោក Bashar Assad ប្រធានាធិបតីស៊ីរី (ឆ្វេង) និងលោក វ៉ា្លឌីមៀ ពូទីន ប្រធានាធិបតីរុស្ស៊ី (ស្ដាំ)

ក្នុងជំនួបនោះ ប្រធានាធិបតីទាំងពីរបានពិភាក្សាគ្នាពីលក្ខខណ្ឌនានា សម្រាប់សម្របសម្រួលក្នុងដំណើរការកសាងសន្តិភាព។ ក្នុងនោះ មេដឹកនាំស៊ីរី Bashar Assad និយាយថា គាត់បានសម្រេចបញ្ជូនគណៈប្រតិភូមួយក្រុម ទៅចូលរួមក្នុងគណៈកម្មាធិការមួយ ដើម្បីសរសេរធម្មនុញ្ញរបស់ប្រទេសស៊ីរីឡើងវិញ ក្រោមការសម្របសម្រួលរបស់អង្គការសហប្រជាជាតិ។

ជាមួយគ្នានេះ មេដឹកនាំទាំងពីរ ក៏បានពិភាក្សាគ្នាពីភាពចាំបាច់ក្នុងការផ្ដល់ជំនួយមនុស្សធម៌ដល់ប្រទេសស៊ីរីផងដែរ ខណៈប្រទេសមួយនេះ កំពុងជួបបញ្ហាសេដ្ឋកិច្ច និងសង្គ្រាមរ៉ាំរ៉ៃ។

សូមបញ្ជាក់ថា ខណៈពេលនេះ កងកម្លាំងរដ្ឋាភិបាលស៊ីរីកំពុងប្រយុទ្ធជាមួយក្រុមឥស្លាមជ្រុលនិយមជាច្រើន នៅតំបន់ Damascus។ តំបន់នេះ ត្រូវបានក្រុមឥស្លាមជ្រុលនិយម ដណ្ដើមបាននៅឆ្នាំ២០១៥ ហើយត្រូវបានគេជឿជាក់ថា មានក្រុមឥស្លាមជ្រុលនិយមរហូតដល់ ២០០០ក្រុម កំពុងស្នាក់នៅទីនោះ៕