កងទ័ពរុស្ស៊ី ៤នាក់បានស្លាប់ដោយសារការវាយប្រហាររបស់ក្រុមភេរវជននៅស៊ីរី

2018-05-27 22:24:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កងទ័ពរុស្ស៊ី ៤នាក់ ដែលក្នុងនោះ មានទីប្រឹក្សាយោធា ២នាក់ បានស្លាប់កាលពីថ្ងៃទី២៧ ខែឧសភា ២០១៨ ម្សិលមិញ ក្នុងការវាយប្រហារដោយអាវុធធន់ធ្ងន់របស់ក្រុមភេរវជន នៅភាគខាងកើតប្រទេសស៊ីរី។ នេះបើតាមការបញ្ជាក់របស់ក្រសួងការពារជាតិរុស្ស៊ី។

ការវាយប្រហារនេះបានផ្ទុះឡើងដោយក្រុមសកម្មជនប្រយុទ្ធជាច្រើនក្រុមបានបើកការវាយប្រហារដោយប្រើអាវុធធន់ធ្ងន់មកលើកងទ័ពស៊ីរី នៅក្នុងខេត្ត Deir ez-Zor នៅយប់ថ្ងៃទី២៦ ឆ្លងចូលថ្ងៃទី២៧ ខែឧសភា ២០១៨។

ក្នុងនោះ ទីប្រឹក្សាយោធារុស្ស៊ី ២រូប ដែលបានឆ្ពោះទៅតំបន់វាយប្រហារនោះ ត្រូវបានក្រុមភេរវជនវាយប្រហារស្លាប់ភ្លាមៗ។ ចំណែកកងទ័ពរុស្ស៊ី ២រូបទៀតបានស្លាប់ក្រោយបញ្ជូនដល់មន្ទីរពេទ្យយោធារបស់រុស្ស៊ី។

ក្រសួងការពារជាតិរុស្ស៊ីក៏បានបញ្ជាក់ដែរថា កងទ័ពរុស្ស៊ី និងស៊ីរីបានប្រយុទ្ធនឹងក្រុមភេរវជនអស់រយៈពេលប្រមាណ ១ម៉ោង ហើយបានសម្លាប់ក្រុមភេរវជន ៤៣នាក់ និងបានកម្ទេចយានយន្តដែលបំពាក់ដោយអាវុធធន់ធ្ងន់ចំនួន ៦គ្រឿង៕