តួកគី បន្ថែមពន្ធលើរថយន្ត និងទំនិញជាច្រើនរបស់អាមេរិក
- 2018-08-15 07:48:17
- ចំនួនមតិ 0 | ចំនួនចែករំលែក 0
តួកគី បន្ថែមពន្ធលើរថយន្ត និងទំនិញជាច្រើនរបស់អាមេរិក
ចន្លោះមិនឃើញ
នៅថ្ងៃពុធ ទី១៥ ខែសីហា ឆ្នាំ២០១៨នេះ ប្រទេសតួកគីបានប្រកាសដំឡើងពន្ធលើផលិតផលរបស់អាមេរិកជាច្រើនប្រភេទ រួមទាំងរថយន្ត ជាតិអាល់កុល និងថ្នាំជក់ផងដែរ។
លោក Fuat Oktay អនុប្រធានាធិបតីតួកគី បានបង្ហោះនៅលើបណ្ដាញសង្គម Twitter ថា វិធានការនៃការដំឡើងពន្ធនេះ គឺដើម្បីឆ្លើយតបនឹងការវាយប្រហារមកលើសេដ្ឋកិច្ចតួកគី ដោយរដ្ឋាភិបាលអាមេរិក។
គួររំឭកថា ប្រធានាធិបតីតួកគី Recep Tayyip Erdogan កាលពីថ្ងៃទី១៤សីហា បានប្រកាសឈប់ប្រើប្រាស់ផលិតផលអេឡិចត្រូនិករបស់អាមេរិក បន្ទាប់ពីក្រុងវ៉ាស៊ីនតោន បានដាក់ទណ្ឌកម្មមកលើក្រុងអានការ៉ា ដោយធ្វើការដំឡើងពន្ធលើផលិតផលអាលុយមីញ៉ូម និងដែកថែបរបស់តួកគី។
កាលពីខែមិថុនា តួកគី បានដំឡើងពន្ធលើទំនិញអាមេរិក ដែលមានទំហំទឹកប្រាក់សរុប ១,៨ពាន់លានដុល្លារអាមេរិក៕