ស្ថានទូតអាមេរិកនៅតួកគី ត្រូវខ្មាន់កាំភ្លើងបើកការបាញ់ប្រហារ

2018-08-20 06:22:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្នូរសំឡេងគ្រាប់កាំភ្លើងជាច្រើនគ្រាប់ ត្រូវបានបន្លឺឡើង នៅស្ថានទូតអាមេរិកប្រចាំក្រុងអានការ៉ា ប្រទេសតួកគី នៅថ្ងៃចន្ទ ទី២០ ខែសីហា ឆ្នាំ២០១៨នេះ បណ្ដាលឲ្យខូចខាតបង្អួច បន្ទប់សន្តិសុខ តែមិនមានអ្នករងរបួសនោះទេ។

ការបាញ់ប្រហារមកលើស្ថានទូតអាមេរិកនេះ គឺខ្មាន់កាំភ្លើងបានបាញ់ចេញពីក្នុងរថយន្ត១គ្រឿង។

ប៉ូលិស នៅមុខស្ថានទូតអាមេរិក ប្រចាំប្រទេសតួកគី (រូបថត៖ Twitter)

ហេតុការណ៍ខាងលើ បានកើតឡើងស្របពេលដែលក្រុងអាការ៉ា និងក្រុងវ៉ាស៊ីនតោន កំពុងប្រឈមមុខដាក់គ្នា ជុំវិញការចាប់ខ្លួនអាចារ្យសាសនាគ្រិស្តអាមេរិកម្នាក់ នៅតួកគី នាពេលកន្លងទៅ។

ហេតុការណ៍ដដែល បានកើតឡើងនៅម៉ោងប្រហែល ៥ ព្រឹក ខណៈស្ថានទូតអាមេរិក ត្រូវបានបិទទ្វារក្នុងសប្ដាហ៍នេះ ឈប់សម្រាក ក្នុងពិធីបុណ្យរបស់សាសនាឥស្លាម Eid Al-Adha ។ ទោះជាយ៉ាងណា ប៉ូលិសកំពុងតាមស្វែងរកក្រុមជនសង្ស័យ ដែលបានជិះរថយន្តពណ៌ស ១គ្រឿង។

សូមរំឭកថា កាលពីសប្ដាហ៍មុន សេតវិមានបានធ្វើការថ្កោលទោសប្រទេសតួកគី ចំពោះការដំឡើងពន្ធទ្វេដងលើទំនិញអាមេរិក។ ដោយឡែក តួកគី បានចាត់ទុកទង្វើរបស់ខ្លួនជាការឆ្លើយតបនឹងអាមេរិក ដែលបានដំឡើងពន្ធទ្វេដងលើផលិតផលអាលុយមីញ៉ូម និងដែកថែបរបស់ខ្លួនផងដែរ។

ភាពតានតឹងរវាង អាមេរិក និងតួកគី កើតឡើង ក្រោយពីការចាប់ខ្លួនអាចារ្យសញ្ជាតិអាមេរិកម្នាក់ដែលតួកគីចោទថា បានគាំទ្រដល់ការធ្វើរដ្ឋប្រហារយោធាដែលទទួលបរាជ័យ ទម្លាក់ប្រធានាធិបតីតួកគី កាលពី២ឆ្នាំមុន៕

Video from outside the US Embassy in Ankara immediately after shots fired.

You can see the bullet hit the security guard cabin and bullet shell on the ground (Credit; IHA) pic.twitter.com/D9KGpDQ72Y
— Ragıp Soylu (@ragipsoylu) August 20, 2018