គ្រូបង្វឹកជម្រើសជាតិថា សៀង ចន្ធា ជាកីឡាករដ៏មានសក្ដានុពល១រូប

2018-11-01 01:36:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Felix Gonzalez Dalmas គ្រូបង្គោលក្រុមបាល់ទាត់ជម្រើសជាតិកម្ពុជា លើកឡើងថា សៀង ចន្ធា គឺជាកីឡាករដ៏ល្អមានសក្ដានុពលមួយរូប និងមានការខិតខំប្រឹងប្រែងក្នុងការហ្វឹកហាត់។ នេះបើតាមការចុះផ្សាយរបស់គណៈកម្មការប្រកួតបាល់ទាត់ជាតិកម្ពុជា កាលពីថ្ងៃទី៣១ ខែតុលា ឆ្នាំ២០១៨។

លោក Felix Gonzalez Dalmas គ្រូបង្គោលក្រុមបាល់ទាត់ជម្រើសជាតិកម្ពុជា

លោក Felix បានជំរុញខ្សែប្រយុទ្ធមានប្រភពពីខេត្តកោះកុងដដែលប្រឹងប្រែងអត់ធ្មត់ ដោយសារវ័យក្មេងនៅឡើយ ហើយលោកគិតថា គេនឹងអាចក្លាយជាកីឡាករដ៏ល្អមួយរូបនាពេលអនាគត។

គ្រូបង្វឹកជនជាតិអាហ្សង់ទីនរៀបរាប់បែបនេះ៖ «ចន្ធា ជាកីឡាករដ៏មានសក្ដានុពលមួយរូប។ យើងដឹងពីសក្ដានុពលរបស់គេ។ ដោយសារតែគេនៅក្មេងនៅឡើយ អ៊ីចឹងយើងត្រូវតែព្យាយាមអត់ធ្មត់លើគេ ហើយគេក៏ត្រូវតែអត់ធ្មត់ដែរ។ អ៊ីចឹងយើងត្រូវតែតាមដានជាជំហាន ព្រោះគេជាកីឡាករមួយរូបក្នុងចំណោមកីឡាករដែលមានសក្ដានុពលម្នាក់»។

គួរដឹងដែរថា សៀង ចន្ធា ត្រូវបានកោះហៅចូលហ្វឹកហាត់ក្នុងក្រុមធំជម្រើសជាតិកម្ពុជាលើកដំបូង ខណៈក្រុមរហស្សនាមគោព្រៃខៀវ កំពុងត្រៀមខ្លួនចូលរួមការប្រកួត AFF Championship 2018 ចាប់ពីថ្ងៃទី៨ ខែវិច្ឆិកា ឆ្នាំ២០១៨តទៅ៕

អត្ថបទ៖ លាភ.